കൊച്ചി: കെപിഎസിയുടെ കലാവേദിയില് നിന്ന് മലയാളചലച്ചിത്ര ലോകത്തേക്ക് ഒരു താരോദയം.
കഥ,തിരക്കഥ,സംവിധാനം, ഗാനരചന, അഭിനയം, നിര്മ്മാണം തുടങ്ങി സിനിമയുടെ വിവിധ മേഖലകള് ഒറ്റക്ക് കൈകാര്യം ചെയ്ത് സോഫിയ തരകന് കെപിഎസി ഒരുക്കുന്ന പുതിയ മലയാള ചിത്രം, ‘ദിശാന്തരം’കല്ക്കത്തയിലും കേരളത്തിലുമായി ചിത്രീകരണം തുടങ്ങുന്നു.
കെപിഎസിയിലെ ഒരുപിടി കലാകാരന്മാരും ചലച്ചിത്ര-സീരിയല് രംഗത്തെ പ്രമുഖതാരങ്ങളും ചിത്രത്തില് അണിനിരക്കും.
അതുല്യ നാടക സംവിധായകന് തോപ്പില് ഭാസിയുടെ ‘മുടിയനായ പുത്രന്’ എന്ന വിഖ്യാത നാടകത്തില് ശാരദ എന്ന കഥാപാത്രമായും, കെപിഎസി യുടെ അറുപത്തേഴാമത് നാടകമായ ‘ഉമ്മാച്ചു’ വില് ചിന്നമ്മുവായും, കായംകുളം പീപ്പിള്സ് തീയേറ്റഴ്സിന്റെ ഈ വര്ഷത്തെ ജനപ്രീയ നാടകം അങ്ങാടിക്കുരുവിയില് വൈഗ ആയും വേഷമിട്ട് ശ്രദ്ധേയയായ സോഫിയ തരകന് കെപിഎസിക്ക് കരുനാഗപ്പള്ളി കാസ് നാടകമല്സരത്തില് മികച്ച നടിക്കുള്ള സ്പെഷ്യല് ജൂറി മെന്ഷന് പുരസ്കാരവും ലഭിച്ചിരുന്നു. ഇതുവരെയുള്ള നാടക പ്രവര്ത്തനങ്ങളില്, വര്ഷങ്ങളായി മനസ്സില് പതിഞ്ഞു കിടന്ന ഒരു കഥയാണ് സോഫിയ തരകന് കെപിഎസി ദിശാന്തരം എന്ന പേരില് സിനിമയാക്കുന്നത്. പിആര്ഒ – അയ്മനം സാജന്
