തിരുവനന്തപുരം: സ്വകാര്യ ആശുപത്രിയില്‍ ജോലി വാഗ്ദാനം ചെയ്ത് പണം തട്ടിയ യുവതി പിടിയില്‍. കരമന, നെടുങ്കാട് സ്വദേശിനി ബി.വി അര്‍ച്ചന (25) യെ ആണ് മെഡിക്കല്‍ കോളേജ് പൊലീസ് അറസ്റ്റ് ചെയ്തത്.
ഇന്‍സ്റ്റാഗ്രാമിലൂടെ പരിചയപ്പെട്ട യുവാവിനോട് താന്‍ പ്രമുഖ സ്വകാര്യ ആശുപത്രിയിലെ ഡോക്ടറാണെന്ന് പറഞ്ഞ് വിശ്വസിപ്പിച്ചാണ് അര്‍ച്ചന തട്ടിപ്പ് നടത്തിയത്.യുവാവിന് അതേ ആശുപത്രിയില്‍ എമര്‍ജന്‍സി മെഡിക്കല്‍ ടെക്‌നീഷ്യനായി ജോലി വാഗ്ദാനം ചെയ്താണ് പണം തട്ടിയത്.
യുവാവിന്റെ പിതാവില്‍ നിന്നും പല ദിവസങ്ങളിലായി ഗൂഗിള്‍ പേ വഴി 63,380 രൂപയാണ് യുവതി തട്ടിയെടുത്തത്. ജോലി ലഭിക്കില്ലെന്ന് വ്യക്തമായതോടെ യുവാവ് പരാതി നല്‍കി.കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
