കോഴിക്കോട് : വോട്ടെണ്ണല് ദിനത്തില് കോഴിക്കോട് ജില്ലയില് നിരോധനാജ്ഞ പ്രഖ്യാപിച്ചു.ജില്ലാ കളക്ടര് സ്നേഹില് കുമാര് സിംഗ് ആണ് നിരോധനാജ്ഞ പ്രഖ്യാപിച്ചത്.
മുന്കരുതല് നടപടിയെന്ന നിലയിലാണ് കളക്ടറുടെ തീരുമാനം.ആഘോഷങ്ങള് അതിര് കടന്നാലോ സംഘര്ഷ സാധ്യതയുണ്ടായാലോ കടുത്ത നടപടികള് സ്വീകരിക്കും. പൊലീസും ജില്ലയില് കര്ശന നിയന്ത്രണങ്ങള് പ്രഖ്യാപിച്ചു. ആഹ്ലാദപ്രകടനങ്ങള്ക്ക് മുന്കൂര് അനുമതി തേടണമെന്ന് പൊലീസ് നിര്ദേശിച്ചു.രാത്രി 7 മണിക്ക് മുമ്പായി ആഹ്ലാദപ്രകടനങ്ങള് അവസാനിപ്പിക്കണം. ആഹ്ലാദ പ്രകടനങ്ങളില് ഡിജെ ഒഴിവാക്കാനും നിര്ദ്ദേശമുണ്ട്. ആഘോഷ പ്രകടനങ്ങളില് പങ്കെടുക്കുന്നവര് സ്ഫോടക വസ്തുക്കള് ഉപയോഗിക്കരുതെന്നും പൊലീസ് നിര്ദേശിച്ചു.
പാലക്കാട് ജില്ലയില് പടക്കനിര്മാണ – വില്പ്പനശാലകള്ക്ക് നിയന്ത്രണം ഏര്പ്പെടുത്തി. മേയ് 3, 4, 5 തീയതികളിലാണ് നിയന്ത്രണം. ജില്ലാ കലക്ടര് എം എസ് മാധവിക്കുട്ടിയുടേതാണ് ഉത്തരവ്. നിയമസഭാ തെരഞ്ഞെടുപ്പിന്റെ വോട്ടെണ്ണലിന്റെയും ഫലപ്രഖ്യാപനത്തിന്റെയും ഭാഗമായി ജില്ലയില് ക്രമസമാധാന പരിപാലനം ഉറപ്പാക്കുന്നതിനാണ് നടപടി.
