തിരുവനന്തപുരം:വാല്പ്പാറ ബസ് അപകടത്തില് മരിച്ചവരുടെ കുടുംബങ്ങള്ക്ക് ഇന്ന് ചേര്ന്ന മന്ത്രി സഭാ യോഗം ധനസഹായം പ്രഖ്യാപിച്ചു.മരിച്ചതില് ഇന്ഷ്വറന്സ് പരിരക്ഷ ഇല്ലാത്ത അഞ്ച് പേരുടെ കുടുംബങ്ങള്ക്ക് പത്ത് ലക്ഷം രൂപ വീതം നല്കും.
മരിച്ച സ്കൂള് ബസ് ഡ്രൈവര് നൗഷാദ് അലി, പാചകത്തൊഴിലാളി സാജിദ, റുഖിയ, ഷക്കീല, വിദ്യാര്ത്ഥിയായ മുഹമ്മദ് ഹിഷാം എന്നിവരുടെ ബന്ധുക്കള്ക്കാണ് ധനസഹായം അനുവദിച്ചത്. പരിക്കേറ്റ മൂന്ന് പേരുടെ ചികിത്സാച്ചെലവ് സര്ക്കാര് വഹിക്കും.
ഇന്ഷ്വറന്സ് ഉളളവര്ക്ക്, അധിക തുക ചെലവായിട്ടുണ്ടെങ്കില് അത് മുഖ്യമന്ത്രിയുടെ ദുരിതാശ്വാസ നിധിയില് നിന്ന് അനുവദിക്കും.
മലപ്പുറം പാങ്ങ് ഗവ. യുപി സ്കൂളിലെ അധ്യാപകരും ജീവനക്കാരും അവരുടെ ചില കുടുംബാംഗങ്ങളുമാണ് വിനോദ യാത്രയ്ക്കിടെ വാഹനം മറിഞ്ഞ് അപകടത്തില് പെട്ടത്.
അപകടത്തില് മരണപ്പെട്ട അധ്യാപികയുടെ മകന് മുഹമ്മദ് ഷഹാദിന്, മറ്റൊരു അധ്യാപികയുടെ മകള് മസ്നീന്, വാഹനത്തിന്റെ ഡ്രൈവര് മുഹമ്മദ് ഫാഹിസ് എന്നിവരുടെ ചികിത്സാ ചിലവ് സര്ക്കാര് വഹിക്കും.
