കോഴിക്കോട്: അദ്ധ്യാപകനും പ്രഭാഷകനുമായ കെ.സി. വിനയരാജ് രചിച്ച ‘ബി പോസിറ്റീവ്’ പ്രകാശനം ചെയ്തു. കവി പി.കെ. ഗോപി മാധ്യമ പ്രവര്‍ത്തകയായ ജി. അനന്യയ്‌ക്ക് ആദ്യ പ്രതി നല്‍കിയാണ് പ്രകാശനം ചെയ്തത്. സുന്ദരമായ ലോകത്തിന്റെ പ്രസാദമധുരമായ അംശങ്ങള്‍ ഹൃദ്യമായി പകര്‍ന്ന് തരുന്ന സവിശേഷ സ്വഭാവം വിനയരാജിന്റെ പുസ്തകത്തിനുണ്ടെന്ന് പി.കെ. ഗോപി പറഞ്ഞു.
ഡോ. ശ്രീശൈലം ഉണ്ണികൃഷ്ണന്‍ അധ്യക്ഷനായി. ഡോ. ഗോപി പുതുക്കോട്, കേസരി മുഖ്യ പത്രാധിപര്‍ ഡോ. എന്‍.ആര്‍. മധു, അമരവാണി പത്രാധിപര്‍ ടി.പി. ഗംഗാധരന്‍, കെ.പി. ശ്രീജിത്, എം. സത്യന്‍ എന്നിവര്‍ സംസാരിച്ചു. കെ.സി. വിനയരാജ് മറുമൊഴി നല്‍കി. പൂര്‍ണാപബ്ലിക്കേഷന്‍സ് ആണ് പുസ്തകം പ്രസിദ്ധീകരിച്ചത്.
