ചൊക്ലി: പുല്ലൂക്കരയിലെ മുസ്ലിം ലീഗ് പ്രവര്ത്തകന് മന്സൂര് വധക്കേസിലെ പ്രതിയായ സിപിഎം പ്രവര്ത്തകന് മുക്കില് പീടികയിലെ കൊറുമ്പന് കണ്ടിയില് അശോകന്റെ മകന് ഷിനോസിനെ ആന്ധ്ര പോലീസ് അറസ്റ്റ് ചെയ്തു. ആന്ധ്രപ്രദേശിലെ സത്യസായി ജില്ലയിലെ കിയ കനകപ്പള്ളി പോലീസ് സ്റ്റേഷന് പരിധിയില് നടന്ന കുറ്റകൃത്യവുമായി ബന്ധപ്പെട്ടാണ് അറസ്റ്റ് നടന്നത്.
ഫോണ് ലൊക്കേഷന് നോക്കി ചൊക്ലി പോലീസ് സഹായത്തോടുകൂടിയാണ് ആന്ധ്രാപ്രദേശ് പോലീസ് സംഘം പ്രതിയെ അറസ്റ്റ് ചെയ്തത്. കൊച്ചിയങ്ങാടിയിലെ ഷിനോസിന്റെ സുഹൃത്തിന്റെ വീട്ടില്വച്ചാണ് അറസ്റ്റ് നടന്നത്. മന്സൂര് വധ കേസിലെ ഒന്നാം പ്രതിയാണ് ഷിനോസ്. രണ്ടാം പ്രതിയായ കെ.പി. സുഹൈലും കേസില് പ്രതിയാണ്. സുഹൈല് ഒളിവിലാണ്. സുഹൈലിനുവേണ്ടി പോലീസ് അന്വേഷണം ഊര്ജ്ജിതമാക്കിയിട്ടുണ്ട്.
വ്യവസായിയെ തട്ടിക്കൊണ്ടുപോയി 5 കോടി രൂപ കവര്ന്ന കേസിലാണ് അറസ്റ്റ് രേഖപ്പെടുത്തിയത്. മോഷണം, തട്ടിക്കൊണ്ടുപോകല്, പണം കവര്ച്ച എന്നീ കുറ്റങ്ങള് രേഖപ്പെടുത്തിയിട്ടുണ്ട്. പ്രതിയെ പോലീസ് ആന്ധ്രയിലേക്ക് കൊണ്ടുപോയി. ഷിനോസും സുഹൈലും നിരവധി കേസുകളില് പ്രതിയാണ്.
