ചെന്നൈ: ഐപിഎല്ലില് സ്വന്തം ചെപ്പോക്ക് സ്റ്റേഡിയത്തില് ചൈന്നയുടെ വിജയവഴി മുടക്കി ഗുജറാത്ത് ടൈറ്റന്സിന് എട്ട് വിക്കറ്റ് വിജയം. കഴിഞ്ഞ മത്സരത്തില് ബദ്ധവൈരികളായ മുംബൈയെ കീഴടക്കിയതിന്റെ ആത്മവിശ്വാസത്തില് ഇറങ്ങിയ ആതിഥേയര്ക്ക് സൂപ്പര് താരം സഞ്ജു സാസംണ് നേരത്തെ പുറത്തായത് കനത്ത തിരിച്ചടിയാകുകയായിരുന്നു. മത്സരത്തില് ആദ്യം ബാറ്റ് ചെയ്ത ചെന്നൈയെ 20 ഓവറില് ഏഴ് വിക്കറ്റ് നഷ്ടത്തില് 158 റണ്സില് ഒതുക്കാന് ടൈറ്റന്സിന് സാധിച്ചു. മറുപടി ബാറ്റിങ്ങില് 3.2 ഓവറുകള് ബാക്കിവച്ച് വെറും രണ്ട് വിക്കറ്റ് നഷ്ടത്തില് 162 റണ്സ് നേടി ലക്ഷ്യം കണ്ടു.
ക്യാപ്റ്റന് ഗില് ബൗളര്മാരില് അര്പ്പിച്ച വിശ്വാസം പേസ് ബൗളര്മാരായ കാഗിസോ റബാഡയും മുഹമ്മദ് സിറാജും ചേര്ന്ന് ഭദ്രമാക്കുകയായിരുന്നു. അപകടകാരിയായ സഞ്ജുവിനെ(11) നേരത്തെ പുറത്താക്കിയ റബാഡ പവര്പ്ലേയില് മൂന്ന് ഓവറുകളില് വെറും 16 റണ്സ് മാത്രമാണ് വിട്ടുകൊടുത്തത്. സഞ്ജുവിന് പിന്നാലെ ഉര്വിന് പട്ടേലിനെയും(നാല്) റബാഡ മടക്കിയയച്ചു. റബാഡയ്ക്ക് മികച്ച കൂട്ടാളിയായാണ് സിറാജും നിലകൊണ്ടത്. മത്സരത്തില് ആകെ നാല് ഓവറുകള് എറിഞ്ഞ റബാഡ 25 റണ്സ് വഴങ്ങി മൂന്ന് വിക്കറ്റുകള് നേടി. നാല് ഓവറുകള് എറിഞ്ഞ സിറാജ് ഒരു വിക്കറ്റേ നേടിയുള്ളൂ, പക്ഷെ വഴങ്ങിയത് 23 റണ്സ്. ഇരുവരും ചേര്ന്ന കോംബിനേഷന് ആണ് ചൈന്നൈയുടെ പദ്ധതികള് പാടെ തകര്ത്തത്.
സഞ്ജുവിനൊപ്പം ഇന്നിങ്സ് ഓപ്പണ് ചെയ്ത ചെന്നൈ നായകന് റുതുരാജ് ഗെയ്ക്ക്വാദ് (74) പുറത്താകാതെ നിന്ന് മികച്ച പോരാട്ടവിര്യം കാട്ടിയെങ്കിലും ഗുജറാത്തിനെ വെല്ലുവിളിക്കാവുന്ന ടോട്ടല് മുന്നില് വയ്ക്കാന് സാധിച്ചില്ല. റുതുരാജിനെ കൂടാതെ ചെന്നൈ നിരയില് 20ന് മേല് സ്കോര് ചെയ്തത് ശിവം ദുബെ(22) മാത്രം. ടൈറ്റന്സിനായി അര്ഷദ് ഖാന് രണ്ടും മനാവ് സുതര് ഒന്നും വിക്കറ്റ് നേടി.
മറുപടി ബാറ്റിങ്ങില് സായി സുദര്ശന് അര്ദ്ധ സെഞ്ചുറി പ്രകടനവുമായി(87) മുന്നില് നിന്ന് നയിച്ചതോടെ ടൈറ്റന്സ് അനായാസം വിജയം കൈപ്പിടിയിലാക്കി. സായിയും ശുഭ്മാന് ഗില്ലും(33) മാത്രമാണ് പുറത്തായത്. ജോസ് ബട്ട്ലര്(39) ടീമിനെ വിജയത്തിലെത്തിക്കുമ്പോള് വാഷിങ്ടണ് സുന്ദര് ക്രീസിലുണ്ടായിരുന്നു.
ചെന്നൈയ്ക്കുവേണ്ടി അക്കീല് ഹൊസെയിനും നൂര് അഹമ്മദും ഓരോ വിക്കറ്റ് നേടി. റബാഡ മത്സരത്തിന്റെ താരമായി തെരഞ്ഞെടുക്കപ്പെട്ടു.
