ലിവര്പൂള്: ആന്ഫീല്ഡ് സ്റ്റേഡിയത്തില് ലിവര് കുപ്പായത്തില് തന്റെ അവസാന പോരാട്ടവും പൂര്ത്തിയാക്കി ലോക ഫുട്ബോള് പ്രേമികളെ ഒത്തിരി തവണ ത്രസിപ്പിച്ച താരം മുഹമ്മദ് സില മടങ്ങി.
പ്രീമിയര് ലീഗില് കഴിഞ്ഞ ദിവസം ക്രിസ്റ്റല് പാലസിനെതിരെ നടന്ന മത്സരത്തില് 60 മിനിറ്റായപ്പോളാണ് സലാ പരിക്ക് കാരണം കളംവിട്ടത്. ആന്ഫീല്ഡിലെ ഗാലറിയെ നോക്കി കൈ ഉയര്ത്തി ആദരമര്പ്പിച്ചും അഭിവാദ്യം സ്വീകരിച്ചുമാണ് താരം കളം വിട്ടത്. പരിക്ക് എത്രത്തോളമുണ്ടെന്ന റിപ്പോര്ട്ടുകള് ഇനിയും പുറത്തുവന്നിട്ടില്ല. എങ്കിലും നിലവിലെ സീസണ് പൂര്ത്തിയാകുന്നതോടെ ലിവര് വിടുമെന്ന് നേരത്തെ തന്നെ പ്രഖ്യാപിച്ചിരുന്നു.
അവസാന മത്സരത്തില് സലായുടെ ലിവര്പൂള് ക്രിസ്റ്റലിനെതിരെ 3-1ന്റെ വിജയം നേടി. സലാ കളത്തിലുള്ളപ്പോള് ലിവര് 2-0ന് ലീഡ് ചെയ്തിരുന്നു. ആദ്യ പകുതിയില് 35, 40 മിനിറ്റുകളില് അലക്സാണ്ടര് ഇസാക്ക്, ആന്ഡ്രൂ റോബര്ട്സണ് എന്നിവരാണ് ലിവറിനായി ഗോളുകള് നേടിയത്.
സലാ കളം വിട്ട ശേഷമാണ് പാലസ് ഒരുഗോല് മടക്കിയത്. 71-ാം മിനിറ്റില് ഡാനിയേല് മുനോസ് ആണ് ഗോളടിച്ചത്. സ്റ്റോപ്പേജ് സമയത്ത് ഫ്ളോറിയന് വിര്ട്സ് കൂടി സ്കോര് ചെയ്ത് ലിവര് ലീഡ് നില ഉയര്ത്തി. ജയത്തെ തുടര്ന്ന് ആസ്റ്റണ് വില്ലയെ മറികടന്ന് പട്ടികയില് നാലാം സ്ഥാനത്തെത്താന് ലിവറിന് സാധിച്ചു.
