തിരുവനന്തപുരം: വട്ടിയൂര്ക്കാവ് പൊലീസ് സ്റ്റേഷനിലേക്ക് ബി ജെ പി നടത്തിയ മാര്ച്ചില് മുന് ഡിജിപിയും എന്ഡിഎ സ്ഥാനാര്ഥിയുമായ ആര് ശ്രീലേഖയെ വിമര്ശിച്ച് ഡിജിപി റവാഡ ചന്ദ്രശേഖര്. മുതിര്ന്ന പൊലീസ് ഉദ്യോഗസ്ഥയും സഹപ്രവര്ത്തകയുമായ ശ്രീലേഖ സേനയോട് അനുഭാവപൂര്വം പെരുമാറണമായിരുന്നുവെന്ന് റവാഡ ചന്ദ്രശേഖര് പറഞ്ഞു. ശ്രീലേഖക്കെതിരായ കേസ് ശ്രദ്ധയില്പ്പെട്ടിട്ടുണ്ടെന്നും അദ്ദേഹം പറഞ്ഞു.
കേസിലെ അഞ്ചാം പ്രതിയാണ് ആര് ശ്രീലേഖ. ഡെപ്യൂട്ടി മേയര് ആശാനാഥ് കേസില് ആറാം പ്രതിയാണ്. ‘പോടാ പുല്ലേ പൊലീസേ’ മുദ്രാവാക്യം വിളി വിവാദമായതിന് പിന്നാലെയാണ് ഇരുവര്ക്കും എതിരായ നടപടി.നെട്ടയത്ത് ബി ജെ പി പ്രവര്ത്തകരെ സി പി എം പ്രവര്ത്തകര് കയ്യേറ്റം ചെയ്യുകയും പൊലീസ് സി പി എമ്മിനോട് അനുഭാവപൂര്വമായ സമീപനം സ്വീകരിക്കുകയും ചെയ്ത സാഹചര്യത്തില് ആണ് ബി ജെ പി പൊലീസ് സ്റ്റേഷന് മാര്ച്ച് നടത്തിയത്. പൊലീസ് മര്ദ്ദനത്തില് ബി ജെ പി പ്രവര്ത്തകര്ക്ക് പരിക്കേല്ക്കുകയും ചെയ്തു.
അതേസമയം, ശബരിമലയില് കോസ്റ്റ് ഗാര്ഡിന്റെ ഹെലികോപ്റ്റര് പറന്ന സംഭവത്തില് കേസെടുത്തിട്ടുണ്ടെന്നും ഡി ജി പി പറഞ്ഞു. അന്വേഷണം നടക്കുകയാണെന്നും അദ്ദേഹം പറഞ്ഞു. തൃശൂര് മുണ്ടത്തിക്കോട് വെടിക്കെട്ട് ദുരന്തത്തില് അന്വേഷണം പുരോഗമിക്കുകയാണ്. ഒരാഴ്ചയ്ക്കുള്ളില് അപകടകാരണം വ്യക്തമാകും.
