ന്യൂദൽഹി: വെള്ളിയാഴ്ച ആം ആദ്മി പാർട്ടിക്ക് വലിയ തിരിച്ചടിയായി രാഘവ് ഛദ്ദ, സന്ദീപ് പഥക്, അശോക് മിത്തൽ എന്നിവരുൾപ്പെടെ ഏഴ് രാജ്യസഭാ എംപിമാർ പാർട്ടി വിട്ട് ബിജെപിയിൽ ചേർന്നു. ആം ആദ്മി പാർട്ടിയുടെ രാജ്യസഭാ എംപിമാരിൽ മൂന്നിൽ രണ്ട് ഭാഗവും പാർട്ടി വിട്ടതായും ഒരു ഘടകമായി ബിജെപിയിൽ ചേരുമെന്നും എഎപി നേതാക്കളായ പഥക്കും മിത്തലും ചേർന്ന് ഒരു പത്രസമ്മേളനത്തിൽ രാഘവ് ഛദ്ദ പറഞ്ഞിരുന്നു.
പാർട്ടി എംപിമാരായ ഹർഭജൻ സിംഗ്, സ്വാതി മാലിവാൾ എന്നിവരും എഎപിയിൽ നിന്ന് പുറത്തുപോകുന്നുണ്ടെന്ന് രാഘവ് ചദ്ദ വ്യക്തമാക്കി. തന്റെ രക്തവും വിയർപ്പും ഉപയോഗിച്ച് വളർത്തിയതും എന്റെ ചെറുപ്പത്തിന്റെ 15 വർഷം ഞാൻ നൽകിയതുമായ എഎപി അതിന്റെ തത്വങ്ങളിൽ നിന്നും മൂല്യങ്ങളിൽ നിന്നും അടിസ്ഥാന ധാർമ്മികതയിൽ നിന്നും പൂർണ്ണമായും വ്യതിചലിച്ചിരിക്കുന്നുവെന്ന് പറഞ്ഞുകൊണ്ടാണ് അദ്ദേഹം പത്രസമ്മേളനത്തിൽ പാർട്ടി വിടുന്നത് സംബന്ധിച്ച് വിവരങ്ങൾ പങ്കുവച്ചത്.
“രാജ്യസഭയിൽ, ആം ആദ്മി പാർട്ടിക്ക് 10 എംപിമാരുണ്ട്. അവരിൽ മൂന്നിൽ രണ്ട് ഭാഗത്തിലധികം പേരും ഈ സംരംഭത്തിൽ ഞങ്ങളോടൊപ്പമുണ്ട്. അവർ ഇതിനകം ഒപ്പിട്ടു, ഇന്ന് രാവിലെ ഒപ്പിട്ട കത്തുകളും മറ്റ് ഔപചാരിക രേഖകളും ഉൾപ്പെടെ ആവശ്യമായ എല്ലാ രേഖകളും ഞങ്ങൾ രാജ്യസഭാ ചെയർമാന് സമർപ്പിച്ചു,”- ഛദ്ദ മാധ്യമപ്രവർത്തകരോട് പറഞ്ഞു.
ആം ആദ്മി പാർട്ടിയിൽ ഇപ്പോഴും ഉള്ള മൂന്ന് രാജ്യസഭാംഗങ്ങൾ ആരൊക്കെയാണ് ?
സഞ്ജയ് സിംഗ് (ദൽഹി), നരേൻ ദാസ് ഗുപ്ത (ദൽഹി), ബൽബീർ സിംഗ് സീചെവാൾ (പഞ്ചാബ്) എന്നിവരാണ് ആം ആദ്മി പാർട്ടിയിലെ മറ്റ് മൂന്ന് രാജ്യസഭാംഗങ്ങൾ.
