ആലപ്പുഴ:സംസ്ഥാനത്ത് പാമ്പ് കടിയേല്ക്കുന്നതും പാമ്പ് കടിയേറ്റ് മരിക്കുന്ന സംഭവങ്ങളും വര്ദ്ധിക്കുന്നു.കായംകുളത്ത് വീട്ടമ്മ പാമ്പുകടിയേറ്റ് മരിച്ചതാണ് ഏറ്റവും ഒടുവിലത്തെ സംഭവം. ചേരാവള്ളി വടക്കേതോപ്പില് സെലീന(42) ആണ് മരിച്ചത്. വ്യാഴാഴ്ച രാത്രി ഏഴരയോടെയാണ് സംഭവം. ബന്ധുവിന്റെ വിവാഹ സത്കാരത്തിന് പങ്കെടുക്കാന് പോയപ്പോഴാണ് പാമ്പ് കടിച്ചത്.
ആളൊഴിഞ്ഞ പറമ്പില് ഇരുചക്ര വാഹനം പാര്ക്ക് ചെയ്തിരുന്നു.വിവാഹ സത്കാരത്തില് പങ്കെടുത്ത് വാഹനമെടുക്കാന് പോകുമ്പോഴായിരുന്നു പാമ്പുകടിയേറ്റത്. ഉടന്തന്നെ കായംകുളം താലൂക്ക് ആശുപത്രിയിലെത്തിച്ചെങ്കിലും മരിച്ചു.
ഇന്ന് തന്നെ തിരുവനന്തപുരം ജില്ലയിലെ ചിറയിന്കീഴില് വീട്ടില് ഉറങ്ങിക്കിടന്ന ദീക്ഷല് എന്ന കുട്ടി പാമ്പ് കടിയേറ്റ് മരിച്ചിരുന്നു. രണ്ട് ദിവസം മുമ്പാണ് തൃശൂര് കോടാലിയില് വീട്ടിനുളളില് വച്ച് സഹോദരങ്ങളായ ആണ്കുട്ടികള്ക്ക് പാമ്പ് കടിയേറ്റത്.ഇതില് ഒരു കുട്ടി മരിച്ചു. രണ്ടാമന് ഗുരുതരാവസ്ഥയിലായെങ്കിലും ചികിത്സയിലൂടെ സുഖം പ്രാപിച്ച് വരുന്നു.
പോത്തന്കോട്ടും ഇന്ന് വിദ്യാത്ഥിനിക്ക് പാമ്പ് കടിയേറ്റ സംഭവമുണ്ടായി. വിദ്യാര്ത്ഥിനിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
