ന്യൂദല്ഹി: മുണ്ടത്തിക്കോട് വെടിക്കെട്ട് അപകടത്തിന്റെ പശ്ചാത്തലത്തില് വെടിക്കെട്ടുകള് നിരോധിക്കണമെന്ന് പറയാനാകില്ലെന്ന് ജുഡീഷ്യല് അന്വേഷണത്തിന്റെ ചുമതല വഹിക്കുന്ന ജസ്റ്റിസ് സി.എന്. രാമചന്ദ്രന് നായര്. അപകടത്തിന് കാരണമായത് എന്തെന്നും ഇങ്ങനെയൊരു അപകടം ഇനി ഉണ്ടാകാതിരിക്കാന് എന്തെല്ലാം മുന്കരുതലുകള് സ്വീകരിക്കണമെന്നും സര്ക്കാരിന് നിര്ദേശം നല്കുമെന്നും ജസ്റ്റിസ് സി.എന്. രാമചന്ദ്രന് നായര് ജന്മഭൂമിയോട് പറഞ്ഞു. സര്ക്കാര് നിര്ദ്ദേശിക്കുന്ന ടേംസ് ഓഫ് റഫറന്സിന്റ അടിസ്ഥാനത്തിലായിരിക്കും കമ്മീഷന്റെ പ്രവര്ത്തനം.
വെടിക്കെട്ട് നിര്ത്തണം എന്നാണെങ്കില് സര്ക്കാരിന് കമ്മിഷനെ വെക്കേണ്ടതില്ല, ഉത്തരവ് ഇറക്കിയാല് മതി. ഇനി ഇത്തരം അപകടം ഉണ്ടാകാതിരിക്കാന് എന്ത് ചെയ്യണം എന്നായിരിക്കും സര്ക്കാര് ഉദ്ദേശിക്കുന്നത്. വെടിക്കെട്ട് വേണോ, വേണ്ടേ എന്നത് കമ്മീഷന്റെ മുന്നില് ഒരു ചോദ്യമായിരിക്കില്ല. എന്ത് വീഴ്ചയുണ്ടായി എന്ന് ആദ്യം പരിശോധിക്കും. വേണ്ടപ്പെട്ട എല്ലാ വിഭാഗങ്ങളെയും കേള്ക്കും, പഠിച്ച ശേഷം റിപ്പോര്ട്ട് നല്കും. ഏറ്റവും വലിയ ചൂടുള്ള സമയത്താണ് തൃശൂര് പൂരം നടക്കുന്നത്. അപകടരഹിതമായി കൈകാര്യം ചെയ്യണ്ടതാണ് വെടിമരുന്ന്. അത് കൈകാര്യം ചെയ്യുന്ന തൊഴിലാളികള്ക്ക് കൃത്യമായ ബോധവത്കരണവും ആവശ്യമാണ്. വലിയ തൊഴില് മേഖലയാണ്. തൊഴില് അവസരങ്ങള് നഷ്ടപ്പെടുത്തിക്കൂടാ. ഇനി ഇത്തരമൊരു അപകടം ഉണ്ടായിക്കൂടാ. അതിന് ആവശ്യമായ നടപടികള് സ്വീകരിക്കാന് നി
ര്ദേശം നല്കുമെന്നും അദ്ദേഹം കൂട്ടിച്ചേര്ത്തു.
ജന്മഭൂമി ഓണ്ലൈന്