തിരുവനന്തപുരം: ഇടപ്പഴഞ്ഞി ബാലസുബ്രഹ്മണ്യ സ്വാമി ക്ഷേത്രത്തില് അതിക്രമിച്ച് കയറി അക്രമം നടത്തിയ വട്ടിയൂര്ക്കാവ് എസ്എച്ച്ഒ വിപിനെതിരെ ശക്തമായ നടപടിയെടുക്കണമെന്ന് ഹിന്ദു ഐക്യവേദി സംസ്ഥാന പ്രസിഡന്റ് ആര്.വി. ബാബു ആവശ്യപ്പെട്ടു.
ക്ഷേത്രത്തിന്റെ പരിപാവനതയെ കളങ്കപ്പെടുത്തിയ പോലീസ് നടപടി അങ്ങേയറ്റം പ്രതിഷേധാര്ഹമാണ്. ഹിന്ദു ക്ഷേത്രങ്ങളില് എന്തുമാകാമെന്ന ധാര്ഷ്ട്യമാണ് എസ്എച്ച്ഒ വിപിനുള്ളതെന്ന് വ്യക്തമാണ്. ഹിന്ദു സംഘടന പ്രവര്ത്തകരെ ക്രൂരമായി മര്ദ്ദിക്കുകയും അവര്ക്കെതിരെ ഏകപക്ഷീയമായി കേസെടുക്കുകയും ചെയ്ത എസ്എച്ച്ഒ ഭരണകക്ഷിയായ സിപിഎമ്മിന്റെ വിനീതനായ ആജ്ഞാനുവര്ത്തിയെന്നാണ് അറിയപ്പെടുന്നത്. ഹിന്ദു സംഘടനാ പ്രവര്ത്തകരെ മര്ദ്ദിച്ചൊതുക്കാമെന്നത് പോലീസിന്റെ വ്യാമോഹം മാത്രമാണ്. പോലീസിന്റെ അതിക്രമങ്ങള്ക്കെതിരെ ഹൈന്ദവ സംഘടനകള് യോജിച്ചുള്ള പ്രക്ഷോഭത്തിന് നേതൃത്വം നല്കുമെന്നും ബാബു പറഞ്ഞു.
