കോഴിക്കോട്: വനിതാ സംവരണ ബില്ലിനെ അട്ടിമറിച്ച കോണ്ഗ്രസ് നേതൃത്വം കൊടുക്കുന്ന ഇന്ഡി സഖ്യത്തിനെതിരായി രാജ്യവ്യാപക പ്രചരണത്തിനും പ്രക്ഷോഭത്തിനും ബിജെപി നേതൃത്വം കൊടുക്കുമെന്ന് സംസ്ഥാന ജനറല് സെക്രട്ടറി എം.ടി. രമേശ് വാര്ത്താസമ്മേളനത്തില് അറിയിച്ചു.
ഈ മാസം 30 വരെ രാജ്യവ്യാപകമായി വിവിധ പ്രചരണങ്ങളും പ്രക്ഷോഭ പരിപാടികളും പാര്ട്ടി ദേശീയ തലത്തില് തന്നെ ആസൂത്രണം ചെയ്തിട്ടുണ്ടെന്ന് അദ്ദേഹം പറഞ്ഞു. ഇന്ന് മുതല് 23 വരെ കേരളത്തിലെ മുഴുവന് മഹിളാ നേതാക്കന്മാരെയും ബിജെപിയുടെ വനിതാ നേതാക്കള് സമ്പര്ക്കം ചെയ്യും. പാര്ലമെന്റില് അവതരിപ്പിച്ച ഈ ബില്ലിന്റെ വിശദാംശങ്ങള് അവരെ ബോധ്യപ്പെടുത്തുക, ബില്ല് അട്ടിമറിക്കാന് നടത്തിയിട്ടുള്ള ഹീനമായ പരിശ്രമത്തെ ബോധ്യപ്പെടുത്തുക എന്നുള്ളതാണ് വിപുലമായ സമ്പര്ക്കത്തിന്റെ ലക്ഷ്യം.
24ന് തിരുവനന്തപുരം പാളയം രക്തസാക്ഷി മണ്ഡപം മുതല് കിഴക്കേകോട്ട വരെ 10,000 വനിതകള് പങ്കെടുക്കുന്ന മഹിളാ മുന്നേറ്റ യാത്രയും സംഘടിപ്പിക്കാന് തീരുമാനിച്ചിട്ടുണ്ട്. പാര്ട്ടിയുടെ ദേശീയ വനിതാ നേതാക്കന്മാര് പരിപാടിയില് പങ്കെടുക്കും. വനിതാ സംവരണ ബില് പരാജയപ്പെടുത്തിയ കോണ്ഗ്രസ്, മാര്ക്സിസ്റ്റ് സഖ്യത്തിന് എതിരെയുള്ള വലിയ മഹിളാ മുന്നേറ്റമെന്ന നിലയ്ക്കാണ് പരിപാടി നിശ്ചയിച്ചിട്ടുള്ളത്. തുടര്ന്ന് 25, 26 തീയതികളില് കേരളത്തിലെ 30 സംഘടനാ ജില്ലാ കേന്ദ്രങ്ങളിലും വനിതകളുടെ പ്രതിഷേധ മാര്ച്ച് സംഘടിപ്പിക്കും. ഈ മാസത്തിനുള്ളില് കേരളത്തിലെ 280 മണ്ഡലങ്ങളിലും പ്രതിഷേധ പരിപാടികളും, മഹിളാ മുന്നേറ്റ യാത്രകളും സംഘടിപ്പിക്കും.
സംസ്ഥാനത്തെ പ്രമുഖരായ മഹിളാനേതാക്കളെ ഒരുമിച്ച് കൊണ്ടുവരാനുള്ള പരിശ്രമത്തിനും പാര്ട്ടി നേതൃത്വം നല്കും. സിപിഎമ്മിലെയും കോണ്ഗ്രസിലെയും മഹിളാ നേതാക്കന്മാരെ ഈ പ്രചാരണത്തിലേക്കും പ്രക്ഷോഭത്തിലേക്ക് സ്വാഗതം ചെയ്യുകയാണെന്നും രമേശ് കൂട്ടിച്ചേര്ത്തു.
