കാട്ടാക്കട: കൊട്ടിക്കലാശത്തോടനുബന്ധിച്ച് കാട്ടാക്കട ജംഗ്ഷനില് നടത്തിയ പ്രകടനത്തില് ഇടതുസ്ഥാനാര്ഥി ഐ.ബി. സതീഷിന്റെ നേതൃത്വത്തില് ബോധപൂര്വ്വം അക്രമത്തിന് ശ്രമം. എന്ഡിഎ സ്ഥാനാര്ഥി പി.കെ. കൃഷ്ണദാസിനു നേരെ കമ്പും, പൈപ്പും ഉപയോഗിച്ച് കൈയേറ്റ ശ്രമം നടത്തി.
പ്രചാരണ സമയം കഴിഞ്ഞതിനുശേഷം ബിജെപി പ്രവര്ത്തകരോട് പിരിഞ്ഞു പോകണമെന്ന് പി.കെ. കൃഷ്ണദാസ് ആവശ്യപ്പെട്ടുകൊണ്ട് നില്ക്കുന്നതിനിടയില് ആയിരുന്നു ബോധപൂര്വ്വമായി എല്ഡിഎഫ് പ്രവര്ത്തകര് അക്രമം നടത്തിയത്. മുഖംമൂടി ധരിച്ച് പിഡിപി അടക്കമുള്ള വര്ഗീയ സംഘടനകളുടെ പതാകയും ഉയര്ത്തിയായിരുന്നു എല്ഡിഎഫ് പ്രവര്ത്തകര് കൊട്ടിക്കലാശത്തില് അണിനിരന്നത്.
ക്രമസമാധാനം തകര്ത്തു തെരഞ്ഞെടുപ്പ് അട്ടിമറിക്കാനാണ് ഇടതുപക്ഷവും സിപിഎമ്മും ശ്രമിക്കുന്നതെന്ന് ബിജെപി തിരുവനന്തപുരം സൗത്ത് ജില്ലാ പ്രസിഡന്റ് മുക്കംപാലമുട് ബിജു പറഞ്ഞു. പോലീസ് നോക്കി നില്ക്കെ സ്ഥാനാര്ത്ഥിക്ക് നേരെ നടത്തിയ അതിക്രമത്തിനെതിരെ ഉചിതമായ നിയമ നടപടി സ്വീകരിക്കണമെന്നും പാര്ട്ടി ജില്ലാ പ്രസിഡന്റ് ആവശ്യപ്പെട്ടു. ബോധപൂര്വ്വം എല്ഡിഎഫ് പ്രവര്ത്തകര് നടത്തിയ അതിക്രമത്തിനിടയിലെ ഉന്തിലും തള്ളിലും വനിതാ പ്രവര്ത്തകര് അടക്കം നിരവധി പ്രവര്ത്തകര്ക്ക് പരിക്ക് പറ്റി.
