തിരുവല്ല:തൊഴില് തേടി യുവാക്കള് കേരളത്തിന് പുറത്തേക്ക് പോകുന്നത് ആശങ്കയുണ്ടാക്കുന്നുവെന്ന് പ്രധാനമന്ത്രി നരേന്ദ്രമോദി പറഞ്ഞു.കേരളത്തില് തൊഴിലവസരങ്ങള് ഉണ്ടാകണമെങ്കില് വ്യവസായങ്ങള് വരണം.എന്നാല് ഇവിടെ അഴിമതിയും വര്ഗീയതയും മാത്രം.ഇത് മാറിയെങ്കില് മാത്രമേ കേരളം വികസിക്കൂ.ഇടത് -വലതുമുന്നണികളെ തോല്പ്പിച്ചെങ്കില് മാത്രമേ കേരളത്തില് വികസനം വരൂവെന്നും മോദി ചൂണ്ടിക്കാട്ടി.
പശ്ചിമേഷ്യന് യുദ്ധത്തില് കോണ്ഗ്രസിന്റെ വലിയ നേതാക്കള് അപകടകരമായ പ്രസ്താവനകള് നടത്തുകയാണ്.പ്രകോപനപരമായ പ്രസ്താവനകളാണ് കോണ്ഗ്രസ് നേതാക്കള് നടത്തുന്നത്.നമ്മുടെ യുവാക്കളുടെയും തൊഴില് ചെയ്യുന്നവരുടെയും സുരക്ഷയാണ് നമ്മുടെ ഇപ്പോഴത്തെ ഏറ്റവും വലിയ പ്രാധാന്യമുള്ള കാര്യമെന്നും അദ്ദേഹം പറഞ്ഞു.ഗള്ഫ് രാജ്യങ്ങളുമായി നിരന്തരം സമ്പര്ക്കത്തില് ഏര്പ്പെട്ടു കൊണ്ടിരിക്കുന്നു.പ്രവാസികളായ ആരും ഒറ്റയ്ക്കല്ലെന്നും ഭാരതത്തിന്റെ പൂര്ണമായ സ്നേഹം അവരോടൊപ്പം ഉണ്ടെന്നും മോദി പറഞ്ഞു.
എല്ഡിഎഫ് -യുഡിഎഫ് രാഷ്ട്രീയപാര്ട്ടികള് ഡീല് ആരോപണം അഴിച്ചുവിട്ടിരിക്കുന്നു.കേരളത്തില് ബിജെപി എ ടീമാണ്.എല്ഡിഎഫും യുഡിഎഫും ബി ജെ പി യെ അധിക്ഷേപിക്കുന്നു. ഇരുമുന്നണികളും തമ്മിലാണ് രഹസ്യ ധാരണ.
ശബരിമല സ്വര്ണക്കൊള്ള സിബിഐക്ക് വിട്ടില്ല. കോണ്ഗ്രസിന്റെ ഉന്നതരിലേക്കാണ് കൊള്ളയുടെ പങ്ക് നീളുന്നത്. രണ്ടു മുന്നണികള്ക്കും ശബരിമല കൊള്ളയില് വലിയ പങ്കുണ്ട്. ഇരുമുന്നണികളും നുണ പറയുകയാണ്.പൗരത്വ ഭേദഗതിയെ കുറിച്ച് നുണ പറഞ്ഞു. കേരള സ്റ്റോറി നുണയെന്ന് പറഞ്ഞു. എഫ് സി ആര് എയിലും നുണ പറഞ്ഞു.സിവില് കോഡിലും നുണ പറയുന്നുവെന്ന് മോദി ചൂണ്ടിക്കാട്ടി.
