മലപ്പുറം: യുവാവിനെ തട്ടിക്കൊണ്ട് പോയി വധിക്കാന് ശ്രമിച്ച കേസില് രണ്ടുപേരെ അറസ്റ്റ് ചെയ്തു.ചങ്ങരംകുളം കാഞ്ഞിയൂര് സ്വദേശി മാനാത്ത് പറമ്പില് മുഹമ്മദ് നിഹാല് (22), ആലംകോട് സ്വദേശി വലിയകത്ത് വീട്ടില് കബീര് (28) എന്നിവരെയാണ് ചങ്ങരംകുളം പൊലീസ് പിടികൂടിയത്.
സമാനമായ നിരവധി കേസുകളില് പ്രതിയാണ് കബീര് എന്ന് പൊലീസ് പറഞ്ഞു. കഴിഞ്ഞ മാസമാണ് ചങ്ങരംകുളം ഒതളൂര് സ്വദേശി യുവാവിനെ എടപ്പാളില്നിന്ന് മൂന്നുപേര് ചേര്ന്ന് ബലമായി കാറില് കയറ്റികൊണ്ടു പോയത്.
കാറില്വച്ച് ക്രൂരമായി മര്ദിച്ചതിനെ തുടര്ന്ന് ഗുരുതരമായി പരിക്കേറ്റ യിവാവിനെ പാലക്കാട് ജില്ലയിലെ വട്ടക്കുന്നത്ത് ഉപേക്ഷിക്കുകയായിരുന്നു.സംഭവത്തില് ഒരാളെകൂടി പിടി കൂടാനുണ്ടെന്ന് പൊലീസ് പറഞ്ഞു. പ്രതികളെ പൊന്നാനി ജുഡീഷല് മജിസ്ട്രേറ്റ് കോടതിയില് ഹാജരാക്കും.
