തിരുവനന്തപുരം: ആര്ജെഡിയില്നിന്നും രാജിവച്ച് തിരുവനന്തപുരം സെന്ട്രല് മണ്ഡലത്തില് സ്ഥാനാര്ത്ഥിയാകാന് ശ്രമിച്ച മുന് മന്ത്രി വി. സുരേന്ദ്രന് പിള്ള തിരികെ ആര്ജെഡിയിലേക്ക്. സ്ഥാനാര്ത്ഥിത്വം നല്കാന് ഇടതുമുന്നണിയും ബി ജെ പിയും തയാറാകാതിരുന്നതോടെയാണ് മടങ്ങിപ്പോക്ക്.
എന്നാല് ആര്ജെഡിയിലേക്കുള്ള മടക്കം ശ്രേയാംസ് കുമാര് ആവശ്യപ്പെട്ടതിനാലാണെന്നതിനാലാണെന്നാണ് സുരേന്ദ്രന് പിള്ള പറയുന്നത്.സുരേന്ദ്രന് പിള്ളയെ സ്ഥാനാര്ഥിയാക്കുന്നതിനെ ജനാധിപത്യ കേരള കോണ്ഗ്രസും ആന്റണി രാജുവും എതിര്ത്തു.ബിജെപിയുമായി ചര്ച്ച നടത്തിയ പിള്ളയെ സ്ഥാനാര്ഥിയാക്കുന്നതിനെ സിപിഎം പ്രാദേശിക നേതൃത്വവും അനുകൂലിച്ചില്ല. കരമന ജയനെ സ്ഥനാര്ത്ഥിയായി പരിഗണിച്ച ബി ജെ പി, സുരേന്ദ്രന്പിള്ളയെ സ്വീകരിക്കാന് തയാറായില്ല.കൂടുതല് സീറ്റ് നല്കാമെന്ന് എല്ഡിഎഫ് വാഗ്ദാനം നടപ്പാക്കാത്തതില് പ്രതിഷേധിച്ചായിരുന്നു ആര്ജെഡിയില്നിന്നും സുരേന്ദ്രന് പിള്ള രാജിവച്ചത്.
