കോഴിക്കോട് : നിയമസഭാ തെരഞ്ഞെടുപ്പില് സീറ്റ് കിട്ടില്ലെന്ന് വ്യക്തമായതോടെ രാജി വയ്ക്കാനൊരുങ്ങിയ കെ എസ് യു സംസ്ഥാന അധ്യക്ഷന് അലോഷ്യസ് സേവ്യര് തീരുമാനം പിന്വലിച്ചു. രാജി വയ്ക്കുന്നെന്ന ഫേസ്ബുക്ക് പോസ്റ്റിന് അര മണിക്കൂര് ആയുസേ ഉണ്ടായിരുന്നുളളൂ.
മുതിര്ന്ന നേതാക്കള് ഇടപെട്ടതോടെ അലോഷ്യസ് സേവ്യര് രാജി തീരുമാനത്തില് നിന്ന് പിന്മാറുകയായിരുന്നു. സീറ്റ് കിട്ടാത്തതിനുളള പ്രത്യേക സാഹചര്യം നേതാക്കള് അലോഷ്യസ് സേവ്യറെ നേതാക്കള് ബോധ്യപ്പെടുത്തി.
ഇടുക്കി, പൂഞ്ഞാര് സീറ്റുകളിലേക്കാണ് അലോഷ്യസിനെ പരിഗണിച്ചിരുന്നത്. പൊലീസ് അതിക്രമങ്ങള് നേരിട്ട്, ജയിലുകളില് കിടന്നത് കെഎസ്യു പ്രവര്ത്തകരാണ്. എന്നാല്, ഈ സമരങ്ങളുടെ ആത്മാവും ത്യാഗവും പരിഗണിക്കാതെ, വരുന്ന നിയമസഭാ തിരഞ്ഞെടുപ്പില് കെഎസ്യുവിന് അര്ഹമായ പ്രാതിനിധ്യം നല്കാതിരുന്നതില് താന് അതീവ നിരാശയും പ്രതിഷേധവും രേഖപ്പെടുത്തുന്നുവെന്ന് രാജിവയ്ക്കാന് തീരുമാനിച്ചു എന്നറിയിച്ചുളള കുറിപ്പില് അദ്ദേഹം പറഞ്ഞിരുന്നു.
