ഇരിട്ടി: മാര്ക്സിസ്റ്റ് പാര്ട്ടി ഇന്ന് പുകഞ്ഞുകൊണ്ടിരിക്കുന്ന ഒരു അഗ് നിപര്വ്വതമായി മാറിയിരിക്കയാണെന്ന് ബിജെപി ദേശീയ കൗണ്സില് അംഗം സി.കെ. പത്മനാഭന്. പേരാവൂര് നിയോജകമണ്ഡലം എന്ഡിഎ തെരഞ്ഞെടുപ്പ് കമ്മറ്റി ഓഫീസ് ഇരിട്ടിയില് ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.
രക്തസാക്ഷി ഫണ്ട് തട്ടിയെടുത്ത ഒരു നേതാവിനെയാണ് ഇടതുപക്ഷം ഇന്ന് പയ്യന്നൂരില് സ്ഥാനാര്ഥിയാക്കിയിരിക്കുന്നത്. ഇത്തരം അഴിമതികളുമായി ബന്ധപ്പെട്ട് കുറച്ചുകാലമായി ഉയര്ന്നുവന്ന പ്രവര്ത്തകരുടെ വികാരങ്ങളെ അടിച്ചമര്ത്തുന്ന നേതൃത്വത്തിന്റെ നയ വൈകൃതങ്ങള്ക്കെതിരെ ഉയരുന്ന പ്രതിഷേധങ്ങള് വലിയ പൊട്ടിത്തെറിയിലേക്ക് നീങ്ങുകയാണ്. ഏറ്റവുമൊടുവില് സംസ്ഥാന സിക്രട്ടറി ഗോവിന്ദന് മാസ്റ്റര് ഇത്തരം പ്രവര്ത്തനങ്ങള്ക്കൊന്നും കൂട്ടുനില്ക്കാത്ത സത്യസന്ധരായ അണികളെ പരസ്യമായി വെല്ലുവിളിച്ചുകൊണ്ട് തന്റെ കൂട്ടാളികളുമായി ചേര്ന്ന് സ്വന്തം ഭാര്യയെ സ്ഥാനാര്ഥിയാക്കിയിരിക്കയാണ്.
ഇന്ക്യുലാബ് സിന്ദാബാദ് എന്ന മുദ്രാവാക്യം ഉപേക്ഷിച്ച സിപിഎം ഈയിടെ ഇറങ്ങിയ ഒരു സിനിമയുടെ പേരുപോലെ തന്റെ കെട്ടിയോള് ഒരു മാലാഖയാണ് എന്ന മുദ്രാവാക്യം വിളിക്കുന്ന പാര്ട്ടിയായി അധഃപതിച്ചു കഴിഞ്ഞെന്നും അദ്ദേഹം പറഞ്ഞു. കണ്ണൂര് ജില്ലാ സൗത്ത് ജനറല് സെക്രട്ടറി എം.ആര്. സുരേഷ് അദ്ധ്യക്ഷത വഹിച്ചു. സ്ഥാനാര്ഥി പൈലി വാത്യാട്ടിനെ അദ്ദേഹം ഷാള് അണിയിച്ച് വേദിയിലേക്ക് സ്വീകരിച്ചു.
ബിജെപി സംസ്ഥാന സമിതി അംഗം വി.വി. ചന്ദ്രന്, സംസ്ഥാന കൗണ്സില് മെമ്പര് കൂട്ട ജയപ്രകാശ്, ബിഡിജെഎസ് സംസ്ഥാന സെക്രട്ടറി ഇ. മഹേഷ്, ഇരിട്ടി മണ്ഡലം പ്രസിഡന്റ് സി. രജീഷ്, പേരാവൂര് മണ്ഡലം പ്രസിഡന്റ് ബേബി സോജ എന്ഡിഎ നേതാക്കളായ അരുണ്ഭരത്, മനോഹരന് വയോറ, രാമദാസ് എടക്കാനം, സന്തോഷ് സ്റ്റീഫന്, പി.പി. ജയലക്ഷ്മി, പി.ജി. സന്തോഷ്, പി. കൃഷ്ണന്, ജോസ് എ വണ്, ശ്രീനിവാസന് പനക്കല് എന്നിവര് സംസാരിച്ചു.
