തിരുവനന്തപുരം: അമ്പലപ്പുഴയില് സി പി എം വിട്ട മുന് മന്ത്രി ജി സുധാകരന് പിന്തുണ നല്കിയതില് പ്രതിഷേധിച്ച് കോണ്ഗ്രസില് നിന്ന് രാജിവച്ച കെപിസിസി ജനറല് സെക്രട്ടറി എം ജെ ജോബ് ബിജെപിയില് .എം ജെ ജോബ് കോണ്ഗ്രസ് ബന്ധം ഉപേക്ഷിച്ച പശ്ചാത്തലത്തില് ബിജെപിയിലേക്ക് സ്വാഗതം ചെയ്യുന്നതായി ബിജെപി ആലപ്പുഴ നോര്ത്ത് ജില്ലാ അദ്ധ്യക്ഷന് പി കെ ബിനോയ് പ്രതികരിച്ചിരുന്നു.
എന്സിപി സംസ്ഥാന സെക്രട്ടറിയും മുന്നാക്ക വികസന കോര്പ്പറേഷന് മുന് ഡയറക്ടറുമായ ജയകുമാര് അടക്കമുള്ളവരും ബിജെപിയില് അംഗത്വമെടുത്തു. മാരാര്ജി ഭവനില് നടന്ന ചടങ്ങില് പാര്ട്ടി സംസ്ഥാന അദ്ധ്യക്ഷന് രാജീവ് ചന്ദ്രശേഖറാണ് ഇവരെ സ്വീകരിച്ചത്.
കെപിസിസിയിലുള്പ്പെടെ പാര്ട്ടിയുടെ ഒരു തലത്തിലും ചര്ച്ച ചെയ്യാതെയാണ് സുധാകരനെ പിന്തുണയ്ക്കാന് ദല്ഹിയില് നിന്ന് തീരുമാനിച്ചതെന്ന് ജോബ് ആരോപിച്ചിരുന്നു.എച്ച് സലാമാണ് അമ്പലപ്പുഴയിലെ എല്ഡിഎഫ് സ്ഥാനാര്ത്ഥി.
