കോട്ടയം: സംസ്ഥാനത്ത് നിയമസഭാ തെരഞ്ഞെടുപ്പ് നടക്കാനിരിക്കെ പൊതുയോഗങ്ങളും സെമിനാറുകളും മേഖലാ സമ്മേളനങ്ങളും നടത്തരുതെന്ന് എന്‍എസ്എസ് നേതൃത്വത്തിന്റെ നിര്‍ദ്ദേശം. തെരഞ്ഞെടുപ്പ് പെരുമാറ്റച്ചട്ടം നിലനില്‍ക്കുന്നത് പരിഗണിച്ചാണ് ഇത്.
ഇക്കാര്യത്തില്‍ എല്ലാ കരയോഗങ്ങള്‍ക്കും യൂണിയനുകള്‍ക്കും എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍ കര്‍ശന നിര്‍ദേശം നല്‍കി സര്‍ക്കുലര്‍ പുറപ്പെടുവിച്ചു. എല്ലാ കരയോഗങ്ങളും നിര്‍ദേശം കൃത്യമായി പാലിക്കണം.
എല്ലാ രാഷ്‌ട്രീയ പാര്‍ട്ടികളോടും സമദൂരം എന്നതാണ് എന്‍എസ്എസിന്റെ പ്രഖ്യാപിത നിലപാട്.സ്ഥാനാര്‍ത്ഥികള്‍ ആകുമെന്ന് കരുതുന്നവര്‍ പിന്തുണ അഭ്യര്‍ത്ഥിച്ച് എന്‍ എസ് എസ് ആസ്ഥാനത്തെത്തുന്നുണ്ട്.
