ശ്രീനഗർ : ജമ്മു കാശ്മീരിൽ ഭീകരാക്രമണത്തിന് ഇരയായ 50 കുടുംബങ്ങൾക്ക് സർക്കാർ ജോലിയ്‌ക്കുള്ള അപ്പോയിന്റ്മെന്റ് ലെറ്ററുകൾ കൈമാറി ലെഫ്റ്റനന്റ് ഗവർണർ മനോജ് സിൻഹ ഇത് സർക്കാരിന്റെ ‘ഈദ് സമ്മാനം’ ആണെന്നും അദ്ദേഹം പറഞ്ഞു.ഭീകരാക്രമണത്തിൽ തകർന്ന അവരുടെ ജീവിതം പുനർനിർമ്മിക്കുന്നതിന് അവരെ സഹായിക്കുക എന്ന ലക്ഷ്യത്തോടെയാണ് ഈ നീക്കം.
ഭീകരാക്രമണ ഇരകളുടെ നിരവധി കുടുംബങ്ങൾ വളരെക്കാലമായി സർക്കാർ സഹായത്തിനായി കാത്തിരിക്കുകയായിരുന്നുവെന്ന് ചടങ്ങിൽ സംസാരിച്ച ലെഫ്റ്റനന്റ് ഗവർണർ ചൂണ്ടിക്കാട്ടി. “തൊഴിൽ നൽകുന്നതിലൂടെ, ഞങ്ങൾ ഒരു പുതിയ പ്രതീക്ഷയുടെ കിരണം ജ്വലിപ്പിക്കുകയും അവരുടെ ജീവിതം പുനർനിർമ്മിക്കാനുള്ള അവസരം നൽകുകയും ചെയ്യുന്നു.” അദ്ദേഹം പറഞ്ഞു.400-ലധികം കുടുംബങ്ങൾക്ക് ഇതിനകം നിയമന കത്തുകൾ ലഭിച്ചിട്ടുണ്ടെന്ന് ലെഫ്റ്റനന്റ് ഗവർണർ അറിയിച്ചു
