ലോസ് ഏഞ്ചലസ് : 2026ലെ ഓസ്കാര് അവാര്ഡുകള് പ്രഖ്യാപിച്ചു. ‘വണ് ബാറ്റില് ആഫ്റ്റര് അനതര്’ ആണ് മികച്ച ചിത്രം. പോള് തോമസ് ആന്ഡേഴ്സണാണ് സംവിധായകന്. മികച്ച അവലംബിത തിരക്കഥക്കുള്ള അവാര്ഡും അദ്ദേഹത്തിന് ലഭിച്ചു.
മൈക്കല് ബി ജോര്ദാന് മികച്ച നടനും ജെസ്സി ബക്ലി മികച്ച നടിയുമായി തിരഞ്ഞെടുക്കപ്പെട്ടു. ‘സിന്നേഴ്സ് ‘എന്ന ചിത്രത്തിലെ പ്രകടനത്തിനാണ് മൈക്കല് ബി ജോര്ദാന് അവാര്ഡ്. ജെസ്സി ബക്ലിക്ക് ‘ഹംനറ്റ്’ ലേതിനും. ഷോണ് പെന് ആണ് മികച്ച സഹനടന്. ‘വണ് ബാറ്റില് ആഫ്റ്റര് അനതര്’ എന്ന ചിത്രത്തിലെ പ്രകടനത്തിനാണ് അവാര്ഡ്. മികച്ച കാസ്റ്റിങിനുള്ള ഓസ്കാറും വണ് ബാറ്റില് ആഫ്റ്റര് അനതറിനാണ്.
മികച്ച തിരക്കഥക്കുള്ള പുരസ്കാരം റയാന് കൂഗ്ലെര് (സിന്നേഴ്സ്) കരസ്ഥമാക്കി. വെപ്പണ്സ് എന്ന ചിത്രത്തിലെ പ്രകടനത്തിന് ആമി മാടിഗണിനും ഓസ്കാര് ലഭിച്ചു. ഛായാഗ്രാഹക ഓട്ടം ഡ്യൂറള്ഡ് അര്ക്കപോ ചരിത്രനേട്ടം സ്വന്തമാക്കി. ഓസ്കര് വേദിയില് ചരിതം കുറിച്ച് ഛായാഗ്രഹത്തിന് ഓസ്കാര് നേടുന്ന ആദ്യ വനിതയാണ് അര്ക്കപോ. സിന്നേഴ്സ് എന്ന ചിത്രത്തിലെ ഛായാഗ്രഹണത്തിനാണ് അവാര്ഡ്.
