കൊച്ചി: അടൂര് സീറ്റ് നിഷേധിച്ചതിനെ തുടര്ന്ന് പാര്ട്ടി വിട്ട ഡിസിസി ജനറല് സെക്രട്ടറി ബാബു ദിവാകരന് എന്ഡിഎയില്. ബിജെപി സംസ്ഥാന നേതൃത്വവുമായി നടത്തിയ ചര്ച്ചകള്ക്ക് ശേഷമാണ് അദ്ദേഹം മുന്നണിയുടെ ഭാഗമായത്.
എന്ഡിഎയില് എത്തിയ ബാബു ദിവാകരന് എറണാകുളം ജില്ലയിലെ കുന്നത്തുനാട് മണ്ഡലത്തില് നിന്നും ജനവിധി തേടാനാണ് സാധ്യത..മണ്ഡലത്തില് ട്വന്റി-20 പാര്ട്ടിയുടെ സാന്നിധ്യം ബാബു ദിവാകരന്റെ അഴിമതി രഹിത പ്രതിച്ഛായയും ഗുണം ചെയ്യുമെന്നാണ് കണക്കുകൂട്ടല്.കോണ്ഗ്രസില് ഏറെ വര്ഷങ്ങള് പ്രവര്ത്തന പാരമ്പര്യമുളള ബാബു ദിവാകരന് ഇപ്പോഴും വാടക വീട്ടിലാണ് കഴിയുന്നത്.
അടൂര് മണ്ഡലത്തില് സ്ഥാനാര്ത്ഥിയായി പരിഗണിക്കുമെന്ന് ഉറപ്പ് ലഭിച്ചിരുന്നെങ്കിലും അവസാന നിമിഷം അഡ്വ. സി.വി. ശാന്തകുമാറിന് സീറ്റ് നല്കിയതാണ് ബാബു ദിവാകരനെ വേദനിപ്പിച്ചത്.കേരളത്തിന് വേണ്ടി നീതി ചോദിക്കുന്ന പ്രതിപക്ഷ നേതാവ് വി ഡി. സതീശന് സ്വന്തം പാര്ട്ടി പ്രവര്ത്തകര്ക്ക് നീതി നല്കുന്നില്ല’ എന്ന് കറുത്ത വസ്ത്രം ധരിച്ച് ഗാന്ധി പ്രതിമയ്ക്ക് മുന്നില് നടത്തിയ പ്രതിഷേധത്തില് അദ്ദേഹം പറഞ്ഞു.
.
