പാലക്കാട്: കൈക്കൂലി ഇടപാടുകളെ തുടര്ന്ന് ജി എസ് ടി ഉദ്യോഗസ്ഥരെ കൂട്ടത്തോടെ സ്ഥലംമാറ്റി.എന്ഫോഴ്സ് സ്ക്വാഡിലുള്ള 15 ഉദ്യോഗസ്ഥരെ മലപ്പുറത്തേക്കാണ് സ്ഥലം മാറ്റിയത്.
പാലക്കാട് ജില്ലയില് വ്യാപകമായ കൈക്കൂലി ആരോപണം ഉണ്ടായതോടെയാണ് 15 ജി എസ്ടി ഉദ്യോഗസ്ഥരെ ഒറ്റയടിക്ക് സ്ഥലം മാറ്റിയത്.ഉദ്യോഗസ്ഥരുടെ കൈക്കൂലിയെക്കുറിച്ച് വ്യക്തമായ സൂചന കിട്ടിയതോടെയാണ് നടപടി.
വാളയാര് മുതല് പട്ടാമ്പി വരെയുള്ള എന്ഫോഴ്സ്മെന്റ് സ്ക്വാഡിലുള്ളവരെയാണ് സ്ഥലംമാറ്റിയത്. മലപ്പുറത്തെ ജി എസ്ടി ടാക്സ്പെയര് സര്വീസ്, ഓഡിറ്റിംഗ് വിഭാഗങ്ങളിലേക്കാണ് ഇവരെ സ്ഥലംമാറ്റിയത്.
ആക്രി സാധനങ്ങള് കൊണ്ടുപോകുന്ന വാഹനത്തില് നിന്ന് മൂന്ന് ലക്ഷം രൂപ കൈക്കൂലി വാങ്ങവെ പാലക്കാട് ജി എസ് ടി എന്ഫോഴ്സ്മെന്റ് ഇന്സ്പെക്ടര് സുമനെ ജനുവരിയില് വിജിലന്സ് അറസ്റ്റ് ചെയ്തിരുന്നു. തുടര്ന്ന് അന്വേഷണത്തിലാണ് പാലക്കാട്ടെ കോടികളുടെ കൈക്കൂലി ഇടപാടുകളെക്കുറിച്ച് വിവരം ജി എസ് ടി വകുപ്പിന് ലഭിച്ചത്.
