കൊച്ചി: വികസിത കേരളത്തിനായുള്ള കേന്ദ്ര സര്ക്കാരിന്റെ പ്രതിബദ്ധത ഒരിക്കല്ക്കൂടി വ്യക്തമാക്കുന്ന പദ്ധതികള്ക്കാണ് കൊച്ചിയില് തുടക്കം കുറിച്ചതെന്ന് പ്രധാനമന്ത്രി നരേന്ദ്ര മോദി.
പെട്രോളിയം മേഖലയെ കൂടുതല് കരുത്തുറ്റതാക്കുക എന്നതാണ് ലക്ഷ്യം. പാക്കേജിങ്, ടെക്സ്റ്റൈല്, മെഡിക്കല് ഉപകരണ നിര്മാണ മേഖലകളെ സഹായിക്കുന്നതിനായി പ്രതിവര്ഷം നാല് ലക്ഷം ടണ് ഉല്പാദനമാണ് കൊച്ചി റിഫൈനറിയിലെ പോളി- പ്രൊപ്പലീന് യൂണിറ്റില് നിന്ന് പ്രതീക്ഷിക്കുന്നത്. സ്വയംപര്യാപ്ത ഭാരതം കെട്ടിപ്പടുക്കുന്നതിനും മേയ്ക്ക് ഇന് ഇന്ത്യക്കും പെട്രോളിയം മേഖലയുടെ വികസനം അത്യന്താപേക്ഷിതമാണ്. ധാരാളം ജലാശയങ്ങളുള്ള കേരളത്തിന് ഫ്ളോട്ടിങ് സോളാര് പവര് മേഖലയില് വലിയ സാധ്യതകളുണ്ടെന്നും അദ്ദേഹം പറഞ്ഞു.
പാലക്കാട്- പൊള്ളാച്ചി ട്രെയിന് സര്വീസ് കേരളത്തിലെയും തമിഴ്നാട്ടിലെയും ജനങ്ങളുടെ യാത്രാനുഭവത്തില് വലിയ മാറ്റങ്ങള് കൊണ്ടുവരും. അമൃത് ഭാരത് സ്റ്റേഷന് പദ്ധതിയിലൂടെയും റെയില്വേ വൈദ്യുതീകരണത്തിലൂടെയും പ്രാദേശിക കണക്റ്റിവിറ്റിയില് കൈവരിച്ച സുപ്രധാന നേട്ടങ്ങളെക്കുറിച്ച് പ്രധാനമന്ത്രി വിശദീകരിച്ചു.
കോഴിക്കോട് ബൈപാസ് ഉള്പ്പെടെയുള്ള പുതിയ ആറുവരി പാതകളും അഴീക്കല് തുറമുഖത്തേക്കുള്ള മെച്ചപ്പെട്ട കണക്റ്റിവിറ്റിയും യാത്രാസമയവും ഗതാഗതക്കുരുക്കും ഗണ്യമായി കുറയ്ക്കുമെന്ന് പ്രധാനമന്ത്രി പറഞ്ഞു.
അവ ഇവിടുത്തെ ടൂറിസം മേഖലയ്ക്കും മറ്റ് വ്യവസായങ്ങള്ക്കും വലിയ ഉണര്വ് നല്കും. അടിസ്ഥാന സൗകര്യ മേഖലയില് നിക്ഷേപിക്കുന്ന ഓരോ രൂപയും യുവാക്കള്ക്ക് വലിയ തോതിലുള്ള തൊഴിലവസരങ്ങള് സൃഷ്ടിക്കുന്നതിനുള്ള ചാലകശക്തിയായി പ്രവര്ത്തിക്കും. വികസിത കേരളം എന്ന നമ്മുടെ ലക്ഷ്യം കൈവരിക്കുന്നതില് ഈ പദ്ധതികള് നിര്ണ്ണായക പങ്ക് വഹിക്കുമെന്ന് തനിക്ക് പൂര്ണ്ണ വിശ്വാസമുണ്ടെന്നും പ്രധാനമന്ത്രി നരേന്ദ്ര മോദി പറഞ്ഞു.
