കൊച്ചി: എന്ഡിഎയ്ക്ക് അവസരം നല്കിയാല് വികസിത കേരളം എന്ന അത്ഭുതകരമായ കാഴ്ച കാണാമെന്ന് പ്രധാനമന്ത്രി നരേന്ദ്ര മോദി. ഇത് ഇതിനകം തെളിയിച്ചുകാണിച്ച മോദിയുടെ ഗ്യാരണ്ടിയാണെന്നും അദ്ദേഹം പറഞ്ഞു. മറ്റ് സംസ്ഥാന സര്ക്കാരുകളെപ്പോലെ ഇരട്ട എന്ജിന് സര്ക്കാരിന്റെ വികസനമായിരിക്കും കേരളത്തെ കാത്തിരിക്കുന്നത്. എറണാകുളം കലൂര് സ്റ്റേഡിയത്തില് എന്ഡിഎ തെരഞ്ഞെടുപ്പ് പ്രചരണത്തിന് തുടക്കം കുറിച്ച് സംഘടിപ്പിച്ച മഹാറാലിയെ അഭിസംബോധന ചെയ്യുകയായിരുന്നു അദ്ദേഹം. എല്ഡിഎഫും യുഡിഎഫും എല്ലാ ജനവിരുദ്ധ- രാജ്യവിരുദ്ധ പ്രവര്ത്തനങ്ങളിലും കൂട്ടാളികളാണെന്നും മോദി ആരോപിച്ചു.
ജയ് വികസിത കേരളം എന്ന മുദ്രാവാക്യം ഉയര്ത്തിയും ഏറ്റ് വിളിപ്പിച്ചുമാണ് നരേന്ദ്ര മോദി പ്രസംഗം തുടങ്ങിയത്. കേരളയെ കേരളം എന്നാക്കി മാറ്റിയുള്ള തീരുമാനത്തില് അഭിമാനമുണ്ട്. കേരളത്തിന് പുതിയ ഭാവി വേണം. കേരത്തിലെ ജനങ്ങള് ഇടത്- വലത് അവിശുദ്ധ കൂട്ടുകെട്ടില് നിന്ന് പുറത്തുവരികയാണ്. തൃശൂരും തിരുവനന്തപുരവും അടക്കം നിരവധി തദ്ദേശസ്ഥാപ നങ്ങളിലെ വോട്ടര്മാര് എന്ഡിഎയില് വിശ്വാസമര്പ്പിച്ചതാണ് നാം കണ്ടത്. കേരളത്തിന് മഹത്തായ സംസ്കാരമുണ്ട്. വികസനം മാത്രമുണ്ടാകുന്നില്ല. എല്ഡിഎഫ് സര്ക്കാര് പിന്നെ യുഡിഎഫ് സര്ക്കാര്, ഈ രണ്ടു ഗ്രൂപ്പുകള്ക്കിടയില് കേരളം മടുത്തു. ഇവര് കേരളത്തിന്റെ വികസനത്തിന് വേണ്ടത് ചെയ്തില്ല. ഇടത് , വലത് സഖ്യങ്ങള് മാറി ഭരിക്കുമെന്നതിനാല് വികസനത്തിനായി ഇവര് ശ്രമിക്കുന്നില്ല. കേരളത്തിന്റെ അതിവേഗ വികസനത്തിന് എന് ഡിഎ അധികാരത്തില് വരണം. കേരളത്തില് മാറാത്തത് ഇനി മാറും, അദ്ദേഹം പറഞ്ഞു
യോഗത്തില് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് അധ്യക്ഷത വഹിച്ചു. കേന്ദ്രമന്ത്രി ജോര്ജ് കുര്യന്, ട്വന്റി 20 ചെയര്മാന് സാബു എം. ജേക്കബ്, ബിഡിജെഎസ് അധ്യക്ഷന്തുഷാര് വെള്ളാപ്പള്ളി, ബിജെപി നേതാക്കളായ ശോഭാ സുരേന്ദ്രന്, എസ്. സുരേഷ്, എ.എന്. രാധാകൃഷ്ണന്, എറണാകുളം സിറ്റി ജില്ലാ പ്രസിഡന്റ് കെ.എസ്. ഷൈജു എന്നിവര് പ്രസംഗിച്ചു.
