കണ്ണൂര്::മുഖ്യമന്ത്രി പിണറായി വിജയന്റെ മണ്ഡലത്തില് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് നടത്തിയ മെഗാ അദാലത്തില് ലഭിച്ചത് മൂവായിരത്തിലധികം പരാതികള്.പെന്ഷന് മുടങ്ങിയതും ചികിത്സിക്കാന് പണമില്ലാത്തതും സര്ക്കാര് ആശുപത്രികളില് നിന്നും മരുന്നുകള് ലഭിക്കാത്തതുമായ പരാതികളായിരുന്നു ഭൂരിപക്ഷവും.
ഇത്തരം പരാതികള് തന്നെ ഏറെ സങ്കടപ്പെടുത്തുന്നുണ്ടെന്ന് രാജീവ് ചന്ദ്രശേഖര് പറഞ്ഞു.എല്ലാം ശരിയായി എന്നു പറയുന്ന മുഖ്യമന്ത്രിയുടെ മണ്ഡലത്തിന്റെ അവസ്ഥ ഞെട്ടിക്കുന്നതാണ്. പരാതികളില് ആത്മാര്ത്ഥമായി ഇടപെടുമെന്നുള്ള ഉറപ്പും രാജീവ് ചന്ദ്രശേഖര് അദാലത്തിനെത്തിയവര്ക്ക് നല്കി.
പ്രതിപക്ഷ നേതാവ് അടക്കമുള്ളവരുടെ മണ്ഡലങ്ങളിലും ഇത്തരം അദാലത്തുകള് ബിജെപി നടത്തും. കഴിഞ്ഞ എട്ടുമാസത്തിനിടെ ഒരു ലക്ഷത്തിലധികം പരാതികളാണ് 30 ജില്ലാ കമ്മറ്റി ഹെല്പ്പ് ഡസ്കുകള് വഴി ബിജെപിക്ക് ലഭിച്ചത്. ഭൂരിപക്ഷം പരാതികളിലും ഇതിനകം തീര്പ്പുണ്ടാക്കാനും സാധിച്ചിട്ടുണ്ടെന്നും അദേഹം പറഞ്ഞു.
മമ്പറം എഡ്യൂക്കേഷണല് ട്രസ്റ്റ് ഗ്രൗണ്ടില് നടന്ന പരിപാടിയില് കേന്ദ്രമന്ത്രി ശോഭാ കരന്ദലജെയും പങ്കെടുത്തിരുന്നു. മെഗാ അദാലത്തിന്റെ ഭാഗമായി വിവിധ കേന്ദ്ര പദ്ധതികളുടെ ഹെല്പ് ഡസ്കുകളും തുറന്നിരുന്നു. സി സദാനന്ദന്മാസ്റ്റര് എം പി, ബിജെപി സംസ്ഥാന ജനറല് സെക്രട്ടറി എസ്. സുരേഷ്, ദേശീയ ഉപാധ്യക്ഷന് എ.പി. അബുദുള്ളക്കുട്ടി, ദേശീയസമിതിയംഗം സി.കെ. പത്മനാഭന് തുടങ്ങിയവര് അദാലത്തില് പങ്കെടുത്തു.
