ശാസ്താംകോട്ട: മൈനാഗപ്പള്ളി ആരോഗ്യ കേന്ദ്രത്തിലേക്ക് (സിഎച്ച്സി) 12 ലക്ഷം രൂപ ഉപയോഗിച്ച് വാങ്ങിയ ആശുപത്രി ഉപകരണം രണ്ട് വര്ഷമായി പെട്ടിക്കുള്ളിലെന്ന് പരാതി. മണിക്കൂറില് 180 ടെസ്റ്റുകള് വരെ നടത്താവുന്നതും സി.എ-125 എന്ന കാന്സര് ടെസ്റ്റ് നടത്താവുന്നതുമായ ആട്ടോമാറ്റിക് ഹോര്മോണ് അനലൈസര് എന്ന ഉപകരണമാണ് പെട്ടിപോലും പൊട്ടിക്കാതെ അനാഥമായി കിടക്കുന്നത്.
ഉദ്യോഗസ്ഥരുടെ അനാസ്ഥയാണ് ഇതിന് കാരണമെന്നാണ് സൂചന. അതുകൊണ്ടുതന്നെ സാധാരണക്കാര്ക്ക് ലഭിക്കേണ്ട സേവനം ലഭിക്കാതെ പോകുന്നുവെന്നും സ്വകാര്യ ലാബുകളെ സഹായിക്കാന് വേണ്ടിയാണ് ആരോഗ്യ വകുപ്പ് ഉദ്യോഗസ്ഥരുടെ ശ്രമമെന്നുമാണ് പരാതി ഉയരുന്നത്.
മെഷീന് പ്രവര്ത്തിപ്പിക്കാന് കഴിയാത്തത് സംബന്ധിച്ചുള്ള ചോദ്യങ്ങള്ക്ക് വിചിത്രമായ മറുപടിയാണ് ലഭിക്കുന്നതെന്നും അടിയന്തിരമായി മെഷീന് പ്രവര്ത്തനക്ഷമമാക്കണമെന്ന് ആവശ്യപ്പെട്ട് ബിഡിഒ, ഡിഎച്ച്എസ്, ഡിഎംഒ എന്നിവര്ക്ക് പഞ്ചായത്തംഗം സിജു കോശി വൈദ്യന് പരാതി നല്കി.
