തിരുവനന്തപുരം: ഇന്ന് പൊങ്കാല നിവേദ്യം കഴിഞ്ഞാല് തിരുവനന്തപുരം നഗരത്തില് മെഗാ ശുചീകരണം ആരംഭിക്കും. ശുചീകരണത്തിന് മേയര് വി.വി. രാജേഷ് നേതൃത്വം നല്കും.
നഗരസഭയിലെ ശുചീകരണ തൊഴിലാളികള്ക്കൊപ്പം മേയറും ഡെപ്യൂട്ടി മേയറും കൗണ്സിലര്മാരും ശുചീകരണത്തില് പങ്കാളികളാകും. മനേയര് വി. വി.രാജേഷ്, ആരോഗ്യ സ്റ്റാന്ഡിംഗ് കമ്മിറ്റി ചെയര്മാന് എം.ആര്. ഗോപന് എന്നിവര് ആറ്റുകാലിലും പരിസരത്തും ശുചീകരണത്തില് പങ്കെടുക്കും. ഡെപ്യൂട്ടി മേയര് ആശാനാഥ് വെള്ളയമ്പലത്തും വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് ചെമ്പഴന്തി ഉദയന് തമ്പാനൂരും വികസന സ്റ്റാന്ഡിംഗ് കമ്മിറ്റി ചെയര്മാര് കരമന അജിത് കരമനയിലും മരാമത്ത് സ്റ്റാന്ഡിംഗ് കമ്മിറ്റി ചെയര്പേഴ്സണ് മഞ്ജു കിഴക്കേകോട്ടയിലും നഗരാസൂത്രണ സ്റ്റാന്ഡിംഗ് കമ്മിറ്റി ചെയര്മാന് പാറ്റൂര് രാധാകൃഷ്ണന് സ്റ്റാച്യുവിലും ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്പേഴ്സണ് സത്യവതി പാളയത്തും ശുചീകരണത്തില് പങ്കെടുക്കും. പൊങ്കാലകഴിഞ്ഞ് മണിക്കൂറുകള്ക്കകം നഗരം ശുചിയാക്കുമെന്ന് മേയര് വി. വി. രാജേഷ് അറിയിച്ചു.
