തിരുവനന്തപുരം: നഗരൂരില് പൊലീസ് ജീപ്പ് തടഞ്ഞ് അസഭ്യം വിളിക്കുകയും ഭീഷണി മുഴക്കുകയും ചെയ്ത സിപിഎം-ഡി വൈ എഫ് ഐ പ്രവര്ത്തകര്ക്കെതിരെ കേസ്. ഒന്പത് പേര്ക്കെതിരെയാണ് കേസെടുത്തത് കോണ്ഗ്രസിന്റെ ഫ്ലക്സ് ബോര്ഡുകള് തകര്ത്ത കേസില് നോട്ടീസ് നല്കാനെത്തിയപ്പോഴാണ് സംഭവം.
നോട്ടീസ് നല്കി മടങ്ങിയ പൊലീസ് ജീപ്പ് കാറിലെത്തിയ സംഘം തടഞ്ഞു. എസ്എച്ച്ഒ ഉള്പ്പെടെയുള്ള ഉദ്യോഗസ്ഥരെ ഡി വൈ എഫ് ഐക്കാരുടെ സംഘം അസഭ്യം പറയുകയും ഭീഷണിപ്പെടുത്തുകയും ചെയ്തു. സംഭവത്തിന്റെ ദൃശ്യങ്ങള് പുറത്തുവന്നു.
എന്നാല് നോട്ടീസ് നല്കാനെത്തിയ പൊലീസ്, പ്രവര്ത്തകരോട് അപമര്യാദയായി പെരുമാറിയെന്നാണ് സിപിഎം ആരോപണം. തുടര്ന്ന് സി പി എം , ഡി വൈ എഫ് ഐ പ്രവര്ത്തകര് നഗരൂര് പൊലീസ് സ്റ്റേഷനിലെത്തിയും ഭീഷണി മുഴക്കി.
കഴിഞ്ഞ ദിവസം ആരോഗ്യമന്ത്രി വീണ ജോര്ജിന് കെഎസ്യു പ്രവര്ത്തകരുടെ ആക്രമണത്തില് പരിക്കേറ്റന്ന് ആരോപിച്ച് സംസ്ഥാനത്തുടനീളം കോണ്ഗ്രസിന്റെ ഫ്ലക്സും കൊടിമരങ്ങളും സിപിഎം പ്രവര്ത്തകര് തകര്ത്തിരുന്നു. നഗരൂര് പൊലീസ് സ്റ്റേഷന് പരിധിയില് ഫ്ലക്സ് നശിപ്പിച്ച സംഭവത്തില് കോണ്ഗ്രസ് നല്കിയ പരാതിയിലെ അന്വേഷണമാണ് പ്രശ്നങ്ങള്ക്ക് കാരണം.
