കോഴിക്കോട് : കോണ്ക്രീറ്റ് സ്ലാബ് തകര്ന്നുവീണ് മരണം നാല് ആയി. മെഡിക്കല് കോളേജ് ആശുപത്രിയില് ചികിത്സയിലിരുന്ന തിരുവങ്ങൂര് സ്വദേശി വിനോദാണ് മരിച്ചത്. നട്ടെല്ലിനും തലയ്ക്കും ഗുരുതര പരിക്കേറ്റിരുന്നു
കെട്ടിടത്തിന് താഴെ വിശ്രമിക്കുകയായിരുന്ന ജബ്ബാര്, ബഷീര്, അഷ്റഫ്, വിനോദ് എന്നീ തൊഴിലാളികളാണ് കോണ്ക്രീറ്റ് പാളികള് ശരീരത്തില് പതിച്ച് മരിച്ചത്. ഗുരുതര പരിക്കേറ്റ ഒരാള് കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലാണ്.
രാവിലെ 11.30 ഓടെയാണ് കോഴിക്കോട് വലിയങ്ങാടിയിലേക്കുളള പ്രധാന പ്രവേശന കവാടത്തിന് സമീപം കോര്പറേഷന് കെട്ടിടത്തിലെ സണ്ഷൈഡ് സ്ളാബുകള് തകര്ന്ന് താഴെ വിശ്രമിക്കുകയായിരുന്ന തൊഴിലാളികള്ക്ക് മേല് വീണത്.ഏഴ് പേരായിരുന്നു അപകട സമയം സ്ഥലത്തുണ്ടായിരുന്നതെങ്കിലും കോണ്ക്രീറ്റ് സ്ളാബുകള് അടരുന്നത് കണ്ട് ഓടി മാറിയ രണ്ട് പേര് രക്ഷപ്പെട്ടു.
സംഭവത്തില് ശക്തമായി ബി ജെ പി പ്രതിഷേധിച്ചു.മേയര്ക്കെതിരെ നരഹത്യക്ക് കേസെടുക്കണമെന്ന് ആവശ്യപ്പെട്ടാണ് പ്രതിഷേധം സംഘടിപ്പിച്ചത്.
