തിരുവനന്തപുരം: മുഖ്യമന്ത്രിയുടെ ഗണ്മാനടക്കം എആര് ക്യാമ്പുകളിലെ 16 സബ് ഇന്സ്പെക്ടര്മാര്ക്ക് താല്ക്കാലിക തസ്തികയുണ്ടാക്കി സ്ഥാനക്കയറ്റം നല്കി സര്ക്കാര്. ഇതു സംബന്ധിച്ച് ഡിജിപി ഉത്തരവിറക്കി.
സ്ഥാനക്കയറ്റം നല്കണമെന്ന് സബ് ഇന്സ്പെക്ടര്മാര് ഉള്പ്പെടെയുള്ളവര് സര്ക്കാരിനോട് അഭ്യര്ത്ഥിച്ചിരുന്നു. എന്നാല് ഇതുവരെ സാമ്പത്തിക പ്രതിസന്ധി ചൂണ്ടിക്കാട്ടി നിരാകരിച്ചിരുന്ന ഈ ആവശ്യം തെരഞ്ഞെടുപ്പ് അടുത്തതോടെ പ്രഖ്യാപിക്കുകയായിരുന്നു. അധിക സാമ്പത്തിക ബാദ്ധ്യതയുണ്ടാവുമെങ്കിലും ഈ സര്ക്കാരിന് അത് ചുമലിലേറ്റേണ്ടിവരില്ലെന്നതിനാലാണ് ഇപ്പോള് പ്രഖ്യാപനമുണ്ടായിട്ടുള്ളത്.
