തിരുവനന്തപുരം: ആറ്റുകാല് ഭഗവതി ക്ഷേത്രത്തിലെ പൊങ്കാല മഹോത്സവത്തിന്റെ ഭാഗമായി പ്രത്യേക ട്രെയിന് സര്വീസുകളും അധിക സ്റ്റോപ്പുകളും ദക്ഷിണ റെയില്വേ ഏര്പ്പെടുത്തി. ട്രെയിന് നമ്പര് 06122 നാഗര്കോവില് ജങ്ഷന്- തിരുവനന്തപുരം സെന്ട്രല് അണ് റിസര്വ്ഡ് സ്പെഷല് ട്രെയിന് മാര്ച്ച് 3ന് നാഗര്കോവിലില് നിന്ന് രാത്രി 1.40ന് പുറപ്പെട്ട് രാത്രി 3.30ന് തിരുവനന്തപുരം സെന്ട്രലില് എത്തിച്ചേരും.
ട്രെയിന് നമ്പര് 06123 എറണാകുളം ജംങ്ഷന്- തിരുവനന്തപുരം സെന്ട്രല് സ്പെഷല് ട്രെയിന് 3ന് എറണാകുളത്ത് നിന്ന് പുലര്ച്ചെ 1.20ന് പുറപ്പെട്ട് രാവിലെ 6.30ന് തിരുവനന്തപുരത്ത് എത്തും. ട്രെയിന് നമ്പര് 06124 തിരുവനന്തപുരം സെന്ട്രല് – എറണാകുളം ജംങ്ഷന് സ്പെഷല് ട്രെയിന് വൈകീട്ട് 3.10ന് തിരുവനന്തപുരം സെന്ട്രലില് നിന്ന് പുറപ്പെട്ട് രാത്രി 8.15ന് എറണാകുളത്ത് എത്തിച്ചേരും.
ട്രെയിന് നമ്പര് 06124 ആലപ്പുഴ വഴിയുള്ള തിരുവനന്തപുരം സെന്ട്രല് – എറണാകുളം ജങ്ഷന് അണ്റിസര്വ്ഡ് എക്സ്പ്രസ് 3ന് ഉച്ചയ്ക്ക് 2.40ന് തിരുവനന്തപുരം സെന്ട്രലില് നിന്ന് പുറപ്പെട്ട് രാത്രി 7.10ന് എറണാകുളത്ത് എത്തിച്ചേരും.
അധിക സ്റ്റോപ്പുകള്: 12624 തിരുവനന്തപുരം സെന്ട്രല്- ഡോ. എംജിആര് ചെന്നൈ സെന്ട്രല് സൂപ്പര്ഫാസ്റ്റ് എക്സ്പ്രസിന് മാര്ച്ച് 3ന് കഴക്കൂട്ടത്തും, ചിറയിന്കീഴിലും താത്ക്കാലിക സ്റ്റോപ്പ് അനുവദിച്ചു. 16729 മധുരൈ- പുനലൂര് എക്സ്പ്രസ് മാര്ച്ച് 2ന് പള്ളിയാടിയിലും ബാലരാമപുരത്തും താത്ക്കാലികമായി നിര്ത്തും.
മാര്ച്ച് 2ന് 16344 രാമേശ്വരം- തിരുവനന്തപുരം സെന്ട്രല് അമൃത എക്സ്പ്രസ് ചിറയിന്കീഴില് താത്ക്കാലികമായി നിര്ത്തും. 12081 കണ്ണൂര് – തിരുവനന്തപുരം സെന്ട്രല് ജനശതാബ്ദി എക്സ്പ്രസ് മാര്ച്ച് 3ന് പേട്ടയില് താത്ക്കാലികമായി നിര്ത്തും. 20631 മംഗളൂരു സെന്ട്രല്- തിരുവനന്തപുരം സെന്ട്രല് വന്ദേ ഭാരത് എക്സ്പ്രസ് തിരുവനന്തപുരം പേട്ടയില് താത്ക്കാലികമായി നിര്ത്തും.
