കോട്ടയം: പാലായ്ക്കു സമീപം പൂവത്തോട്ടില് കൃഷിക്കായി സ്ഥലം ഒരുക്കുന്നതിനിടെ കരിയിലയ്ക്ക് ഇട്ട തീ പടര്ന്ന് പൊള്ളലേറ്റ് റിട്ട. അധ്യാപകന് ദാരുണാന്ത്യം. പൂവത്തോട് പൊരിയത്ത് ബേബി സെബാസ്റ്റ്യന് (70) ആണ് മരിച്ചത്. കാഞ്ഞിരപ്പള്ളി സെന്റ് ഡൊമിനിക് ഹൈസ്കൂളിലെ റിട്ട. അദ്ധ്യാപകനാണ്.
വിരമിച്ചശേഷം കൃഷിയില് ശ്രദ്ധിച്ചിരുന്ന ഇദ്ദേഹം നിലമൊരുക്കാനായി പറമ്പില് തീയിടുകയായിരുന്നു. ഉച്ച സമയമായതിനാല് പടര്ന്നുകയറിയ തീ നിയന്ത്രിക്കാനായില്ല. ഡെയ്സിയാണ് ഭാര്യ. മകള്: സോണിയ, മരുമകന്: ആല്ബര്ട്ട് ഫെലിക്സ്. സംസ്കാരം നാളെ 4 ന് പൂവത്തോട് സെന്റ് തോമസ് ദേവാലയ സെമിത്തേരിയില് നടക്കും.
