ഇസ്ലാമബാദ്: ജര്മ്മനിയില് പോയപ്പോള് ഐഡി കാര്ഡ് ചോദിച്ച് തടഞ്ഞുനിര്ത്തിയതിന്റെ നാണക്കേടില് നിന്നും ഇതുവരെയും അസിം മുനീര് മുക്തനായിട്ടില്ല. അതിനിടയ്ക്കാണ് ബലൂചിസ്ഥാന് ലിബറേഷന് ആര്മിയില് നിന്നും മുഖത്തടി പോലെ കിട്ടിയ വലിയ നാണക്കേട്. ഏഴ് പാകിസ്ഥാന് പട്ടാളക്കാരെ ബന്ദികളാക്കി പിടിച്ച് അതിന് തോക്കുമായി കാവല് നില്ക്കുന്ന വനിതകളായ ബലൂച് പോരാളികളുടെ ചിത്രം ഇന്ന് ലോകമെങ്ങും സമൂഹമാധ്യമങ്ങളിലൂടെ പ്രചരിക്കുകയാണ്.
പാകിസ്ഥാന് സൈന്യം കഴിഞ്ഞ ദിവസം തട്ടിക്കൊണ്ടുപോയ ബലൂചിസ്ഥാനിലെ യുവാക്കളെ ഉടനെ വിട്ടയച്ചില്ലെങ്കില് ഈ പാക് സൈനികരെ കൊന്നുതള്ളുമെന്നാണ് ബലൂച് ആര്മി നല്കിയിരിക്കുന്ന അന്ത്യശാശനം. ആകെ 17 പാക് പട്ടാളക്കാരെ ബലൂച് ആര്മി പിടികൂടി ബന്ദികളാക്കിയിരുന്നു. ഇതില് 10 പേര് ബെലൂച് വംശജരാണെന്ന് തിരിച്ചറിഞ്ഞതോടെ വിട്ടയക്കുകയായിരുന്നു. ബാക്കി ഏഴ് പേരെയാണ് ഇപ്പോഴും ബന്ദികളാക്കിവെച്ചിരിക്കുന്നത്.
ഈയിടെ പാകിസ്ഥാന് സൈന്യം ബലൂച് ആര്മിയുടെ കേന്ദ്രങ്ങളില് വ്യോമാക്രമണം നടത്തി നിരവധി പേരെ വധിച്ചിരുന്നു. എന്നിട്ടും ബെലൂച് ആര്മിയുടെ വീര്യം കെട്ടടങ്ങുന്നില്ലെന്നതാണ് എഴ് പാക് പട്ടാളക്കാരെ ബന്ദികളാക്കിയ സംഭവം തെളിയിക്കുന്നത്. പാകിസ്ഥാനെ വ്യോമാക്രമണത്തിന് നിര്ബന്ധിച്ചത് ബെലൂച് ആര്മി പാകിസ്താന് സൈനികര്ക്ക് നേരെ നടത്തിയ സ്ഫോടനപരമ്പരകള് കാരണമാണ്. ഓപ്പറേഷന് ഹെറോഫ് എന്ന പേരില് നടത്തിയ ഈ സ്ഫോടന പരമ്പരയില് 40 മണിക്കൂറിനകം 200ഓളം പാക് സൈനികരെയാണ് ബെലൂച് ആര്മി കൊലപ്പെടുത്തിയത്.
