തപാൽ വകുപ്പിൽ ഗ്രാമീൺ ഡാക് സേവക് തസ്തികകളിലേക്ക് 28,740 ഒഴിവുകൾ. റിക്രൂട്ട്മെൻ്റ് വിജ്ഞാപനം പുറത്തിറക്കി ഇന്ത്യാപോസ്റ്റ്. റഗുലർ നിയമനമായിരിക്കില്ല. അപേക്ഷ സമർപ്പിക്കേണ്ടത് രണ്ടു ഘട്ടമായി. ആദ്യ ഘട്ടമായ വൺ ടൈം റജിസ്ട്രേഷൻ ഫെബ്രുവരി 14 നകം പൂർത്തിയാക്കണം. തുടർന്ന്, രണ്ടാം ഘട്ട ഓൺലൈൻ അപേക്ഷ ഫെബ്രുവരി 16 വരെ സമർപ്പിക്കാം.
യോഗ്യത: പത്താം ക്ലാസ് ജയം. പത്താം ക്ലാസ് വരെ പ്രാദേശികഭാഷ പഠിച്ചിരിക്കണം (കേരളം, മാഹി, ലക്ഷദ്വീപ് എന്നിവിടങ്ങളിലുള്ളവർക്കു മലയാളം), സൈക്കിൾ ചവിട്ടാൻ അറിയണം, കമ്പൂട്ടർ പരിജ്ഞാനം വേണം, മറ്റു വരുമാനമാർഗം ഉണ്ടായിരിക്കണം.
പ്രായം: 18-40. അർഹർക്ക് ഇളവു ലഭിക്കും.
ശമ്പളം: അസിസ്റ്റന്റ് ബ്രാഞ്ച് പോസ്റ്റ്മാസ്റ്റർ , ഗ്രാമീൺ ഡാക് സേവക് തസ്തികകളിൽ പ്രതിമാസം 10,000 – 24,470 രൂപ വരെ, ബ്രാഞ്ച് പോസ്റ്റ്മാസ്റ്റർതസ്തികയിൽ പ്രതിമാസം 12,000 – 29,380 രൂപ വരെ.
ഫീസ്: 100 രൂപ. സ്ത്രീകൾ, പട്ടികവിഭാഗം, ഭിന്നശേഷിക്കാർ, ട്രാൻസ്മൺ എന്നിവർക്കു ഫീസില്ല. ഓൺലൈനായി അടയ്ക്കാം.
തെരഞ്ഞെടുപ്പ്: യോഗ്യതാപരീക്ഷയിലെ മാർക്ക് അടിസ്ഥാനമാക്കി. യോഗ്യരായവരുടെ വിവരങ്ങൾ വെബ്സൈറ്റിൽ പ്രസിദ്ധീകരിക്കും. ഡോക്യുമെന്റ് വെരിഫിക്കേഷനും ഉണ്ടാകും.
അപേക്ഷിക്കേണ്ട വിധം: https:// indiapostgdsonline.gov.inൽ മൊബൈൽ നമ്പറും ഇ-മെയിൽ ഐഡിയും നൽകി വൺ ടൈം റജിസ്ട്രേഷൻ നടത്തണം. തുടർന്നു ലഭിക്കുന്ന റജിസ്ട്രേഷൻ നമ്പർ ഉപയോഗിച്ച് ഓൺലൈനായി അപേക്ഷിക്കാം. jpg.jpegഫോർമാറ്റിൽ ഫോട്ടോയും ഒപ്പും സ്കാൻ ചെയ്ത് അപ്ലോഡ് ചെയ്യണം. ഫോട്ടോ 30-100 കെബി, ഒപ്പ് 20-100 കെബി സൈസിൽ ഉള്ളതാവണം. കൂടുതൽ വിവരങ്ങൾക്ക് www.indiapostgdsonline.gov.in സന്ദർശിക്കുക.
കേരളം, ആന്ധ്ര പ്രദേശ്, ആസാം, ബീഹാർ, ഛത്തിസ്ഗഢ് ,കർണാടകം, മധ്യപ്രദേശ്, ഡൽഹി, ഗുജറാത്ത്, ഹരിയാന, ഹിമാചൽ പ്രദേശ്, ജമ്മു കാശ്മീർ, ജാർഖണ്ഡ്, ഒഡിഷ, പഞ്ചാബ്, തമിഴ്നാട്, ഉത്തർപ്രദേശ്, ഉത്തരാഖണ്ഡ്. വെസ്റ്റ് ബംഗാൾ, തെലങ്കാന എന്നീ സംസ്ഥാനങ്ങളിലാണ് ഒഴിവ്. കൂടാതെ ലക്ഷദ്വീപ്, കേരളം,ഇവിടെ 2000 ത്തോളം ഒഴിവുകൾ ആണ് ഉള്ളത്. ആലപ്പുഴ,ആലുവ, കോഴിക്കോട്, കണ്ണൂർ, കാസർഗോഡ്, മഞ്ചേരി, ചങ്ങനാശേരി, എറണാകുളം, ഇടുക്കി, ഇരിങ്ങാലക്കുട, കോട്ടയം, മാവേലിക്കര, പാലക്കാട്, പത്തനംതിട്ട, കൊല്ലം, തിരുവനന്തപുരം, തലശേരി, തിരുവല്ല, തൃശൂർ, വടകര എന്നീ ഡിവിഷനുകളിൽ ആണ് 2000 ഒഴിവുകൾ.
