നൂറ് കണക്കിന് മാവോയിസ്റ്റ് നേതാക്കള് ഈ കാലയളവില് വ്യത്യസ്ത ഏറ്റുമുട്ടലുകളില് കൊല്ലപ്പെട്ടിട്ടുണ്ട്. തലയ്ക്ക് ഇനാം പ്രഖ്യാപിച്ച ഇത്തരം ഭീകരവാദ നേതാക്കള് കൊല്ലപ്പെടുമ്പോള് മുഖ്യധാരാ കമ്യൂണിസ്റ്റ് പാര്ട്ടി നേതാക്കള് അത്തരക്കാരെ മഹത്വവത്കരിക്കാനും ബിംബവത്കരിക്കാനും ശ്രമിക്കാറുണ്ട്.
സിപിഐ മാവോയിസ്റ്റിന്റെ കേന്ദ്ര കമ്മിറ്റി അംഗവും 2016ല് സുരക്ഷാ സേനയുമായി കേരളത്തിലെ നിലമ്പൂര് വനത്തില് വച്ചുണ്ടായ ഏറ്റുമുട്ടലില് കൊല്ലപ്പെട്ട കുപ്പു ദേവരാജ്, ഇതേ ആക്രമണത്തില് കൊല്ലപ്പെട്ട വനിതാ നേതാവ് അജിത, 2019 ല് അട്ടപ്പാടി യിലുണ്ടായ ഏറ്റുമുട്ടലില് കൊല്ലപ്പെട്ട കര്ണാടക-കേരള അതിര്ത്തിയിലെ പശ്ചിമ കമാണ്ടര് മണിവാസകം, 2021ല് മഹാരാഷ്ട്രയിലെ ഗഡ്ചിരോളി ഏറ്റുമുട്ടലില് കൊല്ലപ്പെട്ട മഹാരാഷ്ട്ര -മധ്യപ്രദേശ് മേഖലയിലെ പ്രധാനിയും പൊളിറ്റ് ബ്യൂറോ അംഗവുമായ മിലിന്ദ് തെല്തുംബ്ഡെ, 2025ല് ഝാര്ഖണ്ഡിലെ ഹസാരിബാഗില് നടന്ന ഏറ്റുമുട്ടലില് കൊല്ലപ്പെട്ട ഗൗതം എന്ന നരസിംഹാചലം, 2025ല് കൊല്ലപ്പെട്ട ഗറില്ലാ യുദ്ധമുറയില് വിദഗ്ധനും 2018-ല് ഗണപതിക്ക് ശേഷം സംഘടനയുടെ ജനറല് സെക്രട്ടറിയായി പ്രവര്ത്തിച്ച നമ്പാല കേശവറാവു എന്ന ബസവരാജ് തുടങ്ങിയവരെല്ലാം വര്ഷങ്ങള്ക്ക് മുന്പ് തന്നെ കോടികള് ഇനാം പ്രഖ്യാപിച്ച മാവോയിസ്റ്റ് തലവന്മാരാണ്. ഒരു ജാനാധിപത്യ സമൂഹത്തില് സര്ക്കാരിനെതിരെ കലാപം സൃഷ്ടിക്കുകയും ഭീകരരുടെ പട്ടികയില് പെടുത്തിയിട്ടും സംഘര്ഷത്തിലേര്പ്പെട്ട ഇത്തരം നേതാക്കളെയാണ് ആശയത്തിന്റെ പേരില് മുഖ്യധാരാ രാഷ്ട്രീയ പാര്ട്ടികള് ന്യായികരിക്കുന്നത്.
സാമൂഹിക രംഗത്തെ പദ്ധതികളും പുരോഗതിയും
മാവോയിസ്റ്റ് ശക്തിയുടെ മുനയൊടിക്കാന്, അവര് തെറ്റിദ്ധരിപ്പിച്ച് നിര്ത്തിയിരിക്കുന്ന ജനങ്ങളുടെ ശാക്തീകരണത്തെ ലക്ഷ്യംവച്ച് ് നിരവധി പദ്ധതികള് ആസൂത്രണം ചെയ്ത് നടപ്പിലാക്കി.
2014ന് ശേഷം മവോയിസ്റ്റ് മേഖലകളില് നിന്ന് ഈ ഭീകരവാദ ആശയത്തെ പരാജയപ്പെടുത്താന് സ്വീകരിച്ച സമീപനങ്ങള് വളരെ സമഗ്രമാണ്. മുകളില് പറഞ്ഞിട്ടുള്ള മാവോയിസ്റ്റ് വേട്ടയോടൊപ്പം എല്ലാ തലങ്ങളേയും സ്പര്ശിക്കുന്ന സമഗ്രമായ പുരോഗതിയും ഈ മേഖലയിലെ പുതിയ സുര്യോദയത്തിന് കാരണമായി.
2016 മുതല് സ്പെഷല് സെന്ട്രല് അസിസ്റ്റന്സ് (SCA)
മാവോയിസ്റ്റ് പ്രശ്നം കൂടുതല് ബാധിക്കപ്പെട്ട ജില്ലകളെ കേന്ദ്രീകരിച്ച് റോഡുകള്, പാലങ്ങള്, സ്കൂളുകള് എന്നിവയുടെ നിര്മാണവുമായി ബന്ധപ്പെട്ട് റോഡ് സൗകര്യം മെച്ചപ്പെടുത്താന് ഉദ്ദേശിച്ചു നടപ്പിലാക്കിയ ‘ഞഇജഘണഋഅ’ മാവോയിസ്റ്റ് മേഖലകളില് ഏകദേശം 12,000 കിലോമീറ്ററിലധികം റോഡുകള് നിര്മിച്ചു. ആശയവിനിമയ സൗകര്യം ഉറപ്പാക്കാനുള്ള പദ്ധതി എന്ന നിലയില് ‘മൊബൈല് പവര് പ്രൊജക്ട്’ എന്ന പദ്ധതി 2018 മുതല് നടപ്പിലാക്കിയതിലൂടെ ഒറ്റപ്പെട്ട മേഖലകളില് 8,500-ലധികം മൊബൈല് ടവറുകള് സ്ഥാപിച്ചു. സ്കില് ഡെവലപ്മെന്റ് ലക്ഷ്യമാക്കിക്കൊണ്ട് 2018 മുതല് ജങഅഥഏ & ജങഗഢഥ എന്ന തൊഴിലധിഷ്ഠിത പരിശീലനങ്ങള് നടപ്പിലാക്കി. അതോടൊപ്പം യുവാക്കള്ക്കിടയില് തൊഴില് നല്കുന്നതിനായി പ്രത്യേക ഐടിഐകളും സ്കില് സെന്ററുകളും സ്ഥാപിച്ചു.
സാമ്പത്തിക മേഖലയിലുണ്ടായ മുന്നേറ്റങ്ങള്
ബാങ്ക് കൊള്ള മാവോയിസ്റ്റ് ഭീകരപ്രസ്ഥാനങ്ങളുടെ പ്രധാന സാമ്പത്തിക സ്രോതസ്സായിരുന്നു. അതിനാല് ഈ മേഖലയില് ബാങ്കിങ് മേഖല വളരെ ശുഷ്കമായിരുന്നു. ഈ പ്രശ്നം അഭിമുഖീകരിക്കുന്നതിന് 2016 മുതല് സാമ്പത്തിക സേവനങ്ങള് ലഭ്യമാക്കാന് ആയിരത്തിലധികം ബാങ്ക് ബ്രാഞ്ചുകളും എടിഎമ്മുകളും പുതുതായി തുറക്കുകയും ജനങ്ങളുമായി സ്വാഭാവികമായ ബന്ധം വര്ദ്ധിപ്പിക്കുകയും ചെയ്തു
ഇത്തരം സാമൂഹിക മുന്നേറ്റ പദ്ധതികള് മാവോയിസ്റ്റുകളെയും അതോടൊപ്പം സാമൂഹിക പിന്നാക്കാവസ്ഥയും അരക്ഷിതാവസ്ഥയും മുതലെടുത്ത് മതപരിവര്ത്തന ലോബിയുടേതടക്കമുള്ള പ്രവര്ത്തനങ്ങളെയും വലിയൊരളവോളം നിശ്ചലമാക്കുന്നതിന് കാരണമായിട്ടുണ്ട്.
2026 ആരംഭത്തില് മാവോയിസ്റ്റ് പ്രഭാവം വളരെയധികം കുറഞ്ഞു. ഇതേ സമീപനം തുടര്ന്നാല് മാവോയിസ്റ്റ്- കമ്യൂണിസ്റ്റ് ഭീകരവാദം പൂര്ണ്ണമായും പത്തി മടക്കും. പക്ഷേ കമ്യൂണിസ്റ്റ് ആശയത്തിന്റെ വക്താക്കള് മറ്റ് സമീപനങ്ങളില്ക്കൂടി ഈ ആശയ ഭീകരവാദത്തെ സമീപനം കൊണ്ട് ആകര്ഷണമുള്ളതാക്കാനും ആത്യന്തികമായി ആധിപത്യ സ്വഭാവമുള്ള കമ്യൂണിസ്റ്റ് സിദ്ധാന്തത്തിലേക്ക് എത്തിക്കാനും ശ്രമിക്കും. അതിനാല് പുതിയ രൂപത്തില് കമ്യൂണിസ്റ്റ് ഭീകരത വീണ്ടും മുന്നോട്ട് വരാം. സാംസ്കാരിക സമീപനത്തെ തകര്ക്കാന് ശ്രമിക്കുന്ന അര്ബന് നക്സലിസം അതിന്റെ തുടക്കമാണ്. ഈ വിഷയം മുന്നില് കാണുകയും സാംസ്കാരിക പ്രതിരോധം ശക്തിപ്പെടുത്തുകയും ചെയ്യേണ്ടിയിരിക്കുന്നു. (അവസാനിച്ചു)
