കൊച്ചി ; തന്റെ ഫേസ്ബുക്ക് പോസ്റ്റ് വളച്ചൊടിച്ച് വാർത്തയാക്കിയ റിപ്പോർട്ടർ ചാനലിലെ മാധ്യമപ്രവർത്തകനെതിരെ ഡോ. ടി പി സെൻ കുമാർ . ഡൽഹിയിലെ വായു മലിനീകരണത്തിന്റെ കാരണം ഗൾഫിൽ നിന്നുള്ള പൊടിക്കാറ്റാണെന്ന് സെൻ കുമാർ പറഞ്ഞെന്ന രീതിയിലായിരുന്നു റിപ്പോർട്ടർ ചാനലിന്റെ വാർത്ത . എന്നാൽ വായു മലിനീകരണത്തിന്റെ കാരണങ്ങളെക്കുറിച്ച് താൻ വിശദമായൊരു പോസ്റ്റ് എഴുതിയിരുന്നു. അതിലെ നിരവധി കാരണങ്ങളിൽ ഒന്നായി ഗൾഫ് പ്രദേശങ്ങളിൽ നിന്നുള്ള പൊടിയും ഒരു ഘടകമാണെന്ന് താൻ വ്യക്തമാക്കിയതാണ്.
എന്നിട്ടും, നിങ്ങൾ “ഈ ഗൾഫ് ഘടകം” മാത്രമാണ് ഡൽഹിയിലെ മലിനീകരണത്തിന്റെ കാരണമായി പറഞ്ഞതായി എടുത്തുകാട്ടിയതിന്റെ പിന്നിലെ ഉദ്ദേശം തനിക്ക് വ്യക്തമാണെന്നും സെൻ കുമാർ ഫേസ്ബുക്ക് പോസ്റ്റിൽ പറയുന്നു.
ഫേസ്ബുക്ക് പോസ്റ്റിന്റെ പൂർണ്ണരൂപം…..
ഈ വാർത്ത എഴുതിയ റിപ്പോർട്ടർ ചാനലിലെ മാ ധ്യമ പ്രവർത്തകനോട് …
ഞാൻ പറഞ്ഞത് ഇതാണോ? ഡൽഹിയിലെ വായു മലിനീകരണത്തിന്റെ കാരണങ്ങളെക്കുറിച്ച് ഞാൻ വിശദമായൊരു പോസ്റ്റ് എഴുതിയിരുന്നു. അതിലെ നിരവധി കാരണങ്ങളിൽ ഒന്നായി ഗൾഫ് പ്രദേശങ്ങളിൽ നിന്നുള്ള പൊടിയും ഒരു ഘടകമാണെന്ന് ഞാൻ വ്യക്തമാക്കിയതാണ്.
അതിനെക്കുറിച്ചുള്ള വാർത്ത ഇതോടൊപ്പം ചേർക്കുന്നു.
ഗൂഗിളിൽ തിരഞ്ഞാൽ തന്നെ ഈ വസ്തുതയെ പിന്തുണയ്ക്കുന്ന നിരവധി പഠനങ്ങളും റിപ്പോർട്ടുകളും നിങ്ങൾക്ക് കാണാനാകും.
എന്നിട്ടും, നിങ്ങൾ “ഈ ഗൾഫ് ഘടകം” മാത്രമാണ് ഡൽഹിയിലെ മലിനീകരണത്തിന്റെ കാരണമായി ഞാൻ പറഞ്ഞതായി എടുത്തുകാട്ടിയതിന്റെ പിന്നിലെ ഉദ്ദേശം എനിക്ക് വ്യക്തമാണ്.
ഇതൊന്നും ഏഴ് അയലത്തുകൂടെ പോയിട്ടില്ല എന്നറിയാം .. എന്നാലും പറയുകയാണ് …
ജീവിതത്തിൽ കുറച്ചെങ്കിലും പക്വതയും സത്യസന്ധതയും കാണിക്കണം.
