പത്തനംതിട്ട: കോട്ടാങ്ങല് ഗ്രാമ പഞ്ചായത്ത് വൈസ് പ്രസിഡന്റ് തെരഞ്ഞെടുപ്പ് സംസ്ഥാന തിരഞ്ഞെടുപ്പ് കമ്മീഷന് അസാധുവാക്കി .എസ് ഡി പി ഐ നല്കിയ പരാതിയിലാണ് തെരഞ്ഞെടുപ്പ് കമ്മീഷന്റെ ഇടപെടല്. തിരഞ്ഞെടുപ്പ് ചട്ടങ്ങള്ക്ക് വിരുദ്ധമായാണ് നടപടിക്രമങ്ങള് നടന്നതെന്ന് കമ്മീഷന് ചൂണ്ടിക്കാട്ടി.
കോട്ടാങ്ങലില് ബിജെപിയും യുഡിഎഫും അഞ്ച് സീറ്റ് വീതം നേടി തുല്യ നിലയിലായിരുന്നു. എസ്ഡിപിഐക്ക് മൂന്ന് സീറ്റ് ഉണ്ടായിരുന്നു.സിപിഎമ്മിന് ഒരു സീറ്റ് മാത്രവും.
വൈസ് പ്രസിഡന്റ് തിരഞ്ഞെടുപ്പില് നറുക്കെടുപ്പില് പേര് വീണ ആളെ അല്ല വരണാധികാരി വൈസ് പ്രസിഡന്റായി പ്രഖ്യാപിച്ചതെന്നും ഇത് ചട്ടവിരുദ്ധമാണെന്നുമായിരുന്നു പരാതി.ഇതേ തുടര്ന്നാണ് തിരഞ്ഞെടുപ്പ് അസാധുവാക്കിയത്. ബിജെപി പ്രതിനിധിയെയാണ് വരണാധികാരി വൈസ് പ്രസിഡന്റായി പ്രഖ്യാപിച്ചത്. ഇതിനെതിരെ എസ്ഡിപിഐ നേരത്തെ തന്നെ വാര്ത്താസമ്മേളനം വിളിക്കുകയും ജില്ലാ കളക്ടര്ക്കും സംസ്ഥാന തിരഞ്ഞെടുപ്പ് കമ്മീഷനും പരാതിയും നല്കിയിരുന്നു.
