തിരുവനന്തപുരം: പ്രധാനമന്ത്രി നരേന്ദ്ര മോദിയുടെ ബിഗ് ഫാനാണ് താനെന്ന് സിനിമ സംവിധായകന് പ്രിയദര്ശന്. തിരുവനന്തപുരത്ത് പ്രേംനസീര് ഫൗണ്ടേഷന് പുരസ്കാരം ഗവര്ണര് രാജേന്ദ്ര വിശ്വനാഥ് ആര്ലേക്കറില് നിന്ന് ഏറ്റുവാങ്ങി നടത്തിയ മറുപടി പ്രസംഗത്തിലാണ് നരേന്ദ്ര മോദിയോടുള്ള തന്റെ ആരാധന പ്രിയദര്ശന് തുറന്നുപറഞ്ഞത്.
സിനിമ കണ്ടുവളര്ന്ന കാലത്തും സിനിമയെ മോഹിച്ചു നടന്ന കാലത്തും താന് പ്രേംനസീറിന്റെ ഒരു ഭ്രാന്തനായ ഫാന് ആയിരുന്നു. സിഐഡി നസീര് മുതല് ഇരുട്ടിന്റെ ആത്മാവ് വരെ പലപല സിനിമകളാണ് എന്നെ അദ്ദേഹത്തിന്റെ ഫാന് ആക്കിയത്. അദ്ദേഹത്തെ നേരില് കാണാന് ഞാന് ഒരുപാട് മോഹിച്ചിരുന്നു. പിന്നീട് ക്രിക്കറ്റ് കളിച്ചുനടന്ന കാലത്ത് പ
ട്ടോഡിയുടെ വലിയ ഫാനായി. അതുകഴിഞ്ഞ് സാഹിത്യമേഖലയുമായി ബന്ധപ്പെട്ടപ്പോള് എം.ടി. വാസുദേവന് നായരുടെ ഫാന് ആയി. പിന്നീട് ഹിന്ദി സിനിമയുമായി ബന്ധപ്പെട്ടപ്പോള് അമിതാഭ് ബച്ചനായിരുന്നു എന്റെ ബിഗ് ഫാന്. എന്നാല് ഇന്ന് ഞാന് മറ്റൊരാളിന്റെ ഫാനാണ്, ഒരു ഭ്രാന്തനായ ഫാന്. നമ്മുടെ രാജ്യത്തിന്റെ പ്രധാനമന്ത്രി നരേന്ദ്രമോദിയുടെ ഭ്രാന്തനായ ഫാനാണ് ഇന്ന് ഞാന്. അദ്ദേഹത്തിന്റെ അസാധാരണമായ പ്രവര്ത്തനങ്ങളാണ് എന്നെ അദ്ദേഹത്തിന്റെ ഫാനാക്കി മാറ്റിയത്. എന്റെ ആദ്യത്തെ ഫാന് പ്രേംനസീര് ആയിരുന്നുവെന്നും അദ്ദേഹം പറഞ്ഞു.
എനിക്ക് മൂന്ന് ജീവിതങ്ങളായിരുന്നു ഉണ്ടായിരുന്നത്. സിനിമ കണ്ടു നടന്ന കാലം, മോഹിച്ചു നടന്ന കാലം, പിന്നീട് സിനിമ ചെയ്ത കാലം. മോഹിച്ചു നടന്ന കാലത്തും സിനിമ ചെയ്ത കാലത്തും ഒരുപാട് പ്രശ്നങ്ങളെ നേരിട്ടു. മോഹിച്ചു നടന്ന കാലത്ത് സിനിമയില് എത്തിപ്പെടാന് ഒരുപാട് കഷ്ടപ്പാടുകള് സഹിച്ചു. സിനിമ ചെയ്ത കാലത്ത് പിടിച്ചുനില്ക്കാനുള്ള ശ്രമമായിരുന്നു. തനിക്ക് ഏറ്റവും ഇഷ്ടപ്പെട്ടകാലം സിനിമ കണ്ടുനടന്ന കാലമായിരുന്നു എന്നും അദ്ദേഹം പറഞ്ഞു.
