അഹമ്മദാബാദ്: സോമനാഥ ക്ഷേത്രത്തിന് മുന്നില് ചെണ്ടയില് താളം തീര്ത്ത് പ്രധാനമന്ത്രി നരേന്ദ്ര മോദി. ആ അവിസ്മരണീയ നിമിഷത്തിന് തൊട്ടടുത്ത് നിന്ന് സാക്ഷ്യം വഹിക്കാന് ഭാഗ്യം ലഭിച്ചതാവട്ടെ കേരളത്തില് നിന്നുള്ള ചെണ്ട കലാകാരന്മാര്ക്കും.
രണ്ടു മിനിറ്റോളം ചെണ്ടയില് താളമിട്ട ശേഷമാണ് മോദി സോമനാഥ ക്ഷേത്രദര്ശനത്തിന് ശേഷം മടങ്ങിയത്. മേള സംഘാംഗമായ കണ്ണൂര് സ്വദേശി പ്രണവ് പ്രദീപിന്റെ കൈയില് നിന്ന് ചെണ്ടക്കോല് വാങ്ങിയ മോദി ചെണ്ടയില് താളമിടുകയായിരുന്നു. പ്രധാനമന്ത്രിക്കൊപ്പംകാസര്കോട് സ്വദേശിളായ സുനിതയും സഞ്ജനയും താളച്ചുവടുകളോടെ മുന് നിരയില് നിന്നു അകമ്പടി കൊട്ടി. ശിങ്കാരിമേളമാണ് അവതരിപ്പിച്ചത്.
പ്രധാനമന്ത്രിയുടെ അപ്രതീക്ഷിത സാന്നിധ്യംലഭിച്ചതിന്റെആനന്ദത്തിലും അമ്പരപ്പിലുമാണ്16 പേരടങ്ങുന്ന മേള സംഘം. സോമനാഥ സ്വാഭിമാന് പര്വിനോട് അനുബന്ധിച്ച് നടന്ന ശൗര്യ യാത്രയില് ചെണ്ടമേളം അവതരിപ്പിക്കാന് ക്ഷണം കിട്ടി എത്തിയതാണ് ഇവര്. യാത്രയുടെ മുന് നിലയിലായിരുന്നു ചെണ്ട മേള സംഘവുംപുലികളി സംഘവും. ‘ഒട്ടും പ്രതീക്ഷിക്കാതെ കിട്ടിയ ഭാഗ്യമാണ് പ്രധാനമന്ത്രിയുടെ സാമിപ്യം. അദ്ദേഹം വളരെ ഊര്ജ്ജസ്വലനാണ്. നല്ല താളബോധവുംഉണ്ട്. അദ്ദേഹം അടുത്തു വന്നപ്പോള് എല്ലാവരും കൂടുതല് ചാര്ജ് ആയി. വളരെ സന്തോഷം ഉണ്ട്, പ്രണവ് ജന്മഭൂമിയോട് പറഞ്ഞു.
‘മോദിയുടെ കൂടെ നിന്ന് കൊട്ടാന് സാധിച്ചത് ഭഗവാന്റെ അനുഗ്രഹം ആണ്.ആഗ്രഹിച്ചതിലുംകൂടുതല് അദ്ദേഹം നല്കി’ പതിനാറുവര്ഷമായി ചെണ്ടമേളം അവതരിപ്പിക്കുന്ന സുനിത പറഞ്ഞു.ശനിയാഴ്ച രാത്രി ഉറക്കംഒഴിഞ്ഞായിരുന്നുപരിശീലനം.
കണ്ണൂര് വടക്കന്സ് ഏഴോം ടീമില്പ്പെട്ട പ്രണവ്, അരുണ്,കാസര്കോട് നീലമംഗലംഗ്രൂപ്പ് അംഗങ്ങള് ആയ സുനിത, അഭിനവ്, സഞ്ജന, ഷിബിന് രാജ്, ഹേന, മിനി, ശകുന്തള, ശ്രീമതി, സുജാത, വിശാഖ്,രുക്മിണി,സംഗീത, സുനീതി, ഷിജിഎന്നിവരാണ് മേളം അവതരിപ്പിച്ചത്.കോഴിക്കോട് സ്വദേശിയായ സൂര്യ സജി എന്ന ഏജന്റ് വഴിയാണ്സ്വാഭിമാന്പര്വില് പങ്കെടുക്കാന് ഇവര്ക്ക് അവസരം ലഭിച്ചത്.തൃശൂരില് നിന്നുള്ളആറംഗ പുലികളി സംഘവും യാത്രയുടെ ഭാഗമായി.
