തിരുവനന്തപുരം : ശബരിമല സ്വര്ണക്കൊളള കേസില് പ്രത്യേക അന്വേഷണ സംഘം കഴിഞ്ഞ ദിവസം അറസ്റ്റ് ചെയ്ത തന്ത്രി കണ്ഠര് രാജീവരെ മെഡിക്കല് കോളേജ് ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചു.നിലവില് മെഡിക്കല് ഐ സി യുവില് നിരീക്ഷണത്തിലാണ് അദ്ദേഹം.
ഇന്നലെ തിരുവനന്തപുരം സ്പെഷ്യല് സബ് ജയിലില് അടച്ച തന്ത്രിയെ ദേഹാസ്വാസ്ഥ്യം മൂലമാണ് ശനിയാഴ്ച രാവിലെ ആശുപത്രിയില് പ്രവേശിപ്പിച്ചത്.
രാവിലെ തലകറക്കവും ക്ഷീണവും ഉണ്ടെന്ന് പരാതിപ്പെട്ട തന്ത്രിയെ ജയിലിന് പുറത്ത് നിന്ന് ഡോക്ടറെ കൊണ്ടു വന്നു പരിശോധിപ്പിച്ചു.തുടര്ന്ന് ജനറല് ആശുപത്രിയിലെത്തിച്ചു.ഇ സി ജിയില് നേരിയ വ്യതിയാനം കണ്ടതിനാലാണ് മെഡിക്കല് കോളേജ് ആശുപത്രിയിലേക്ക് മാറ്റിയത്.
തന്ത്രി കണ്ഠര് രാജീവര് ഏറെ കാലമായി പ്രമേഹത്തിനും രക്തസമ്മര്ദ്ദത്തിനും മരുന്ന് കഴിക്കുന്നുണ്ട്.ഇപ്പോള് കാലില് നീരുമുണ്ടെന്നാണ് വിവരം.
