തിരുവനന്തപുരം: ആറുമാസം മുമ്പ് കുടിവെള്ള പൈപ്പ് ലൈന് വിച്ഛേദിച്ച വീട്ടുടമ ബില്ല് അടയ്ക്കണമെന്നു വാട്ടര് അതോറിറ്റി. ആനപ്പാറ കിഴക്കുംകര രാഹുല് നിവാസില് വിമലയ്ക്കാണ് വാട്ടര് അതോറിറ്റിയുടെ ബില് ലഭിച്ചത്. കണക്ഷന് വേണ്ടായെന്ന് കാട്ടാക്കട വാട്ടര് അതോറിറ്റിക്ക് വിമല അപേക്ഷ നല്കിയാണ് കണക്ഷന് വിച്ഛേദിച്ചിരുന്നത്.
ആറു മാസം മുമ്പ് കുടിവെള്ള കണക്ഷന് വേണ്ടായെന്ന് അപേക്ഷ നല്കി മാസങ്ങള് കഴിഞ്ഞാണ് വാട്ടര് അതോറിറ്റി തുക നിശ്ചയിച്ച് 1841 രൂപ ഇവര് അടച്ചത്. തുടര്ന്ന് ഈ ഭാഗത്തേക്കുള്ള കുടിവെള്ളം വിച്ഛേദിക്കുകയും ചെയ്തു. അതിനു ശേഷമാണ് വാട്ടര് അതോറിറ്റി ജീവനക്കാരെത്തി കഴിഞ്ഞ വര്ഷം ജൂണില് മീറ്റര് എടുത്തുകൊണ്ടു പോയത്.
എന്നാല് കഴിഞ്ഞദിവസം വാട്ടര് അതോറിറ്റി ഓഫീസില് നിന്നു വീണ്ടും പണം അടയ്ക്കണമെന്ന് ഫോണ് സന്ദേശമെത്തി. കൂടാതെ പണം അടയ്ക്കണമെന്ന് ഭീഷണിയുടെ സ്വരത്തില് ഒരു വനിതാ ജീവനക്കാരിയില് നിന്നു ഫോണ് വിളിയുമെത്തിയെയെന്നും വീട്ടമ്മ പറയുന്നു. ഇത് സംബന്ധിച്ച് മുഖ്യമന്ത്രിക്കും ബന്ധപ്പെട്ട അധികാരികള്ക്കും പരാതി നല്കാനുള്ള തയ്യാറെടുപ്പിലാണ് വിമല.
ബില് തുക അടയ്ക്കാതെ പ്രവര്ത്തിക്കുന്ന നിരവധി കണക്ഷനുകള് പ്രദേശത്ത് ഉള്ളപ്പോഴാണ് കണക്ഷന് നിയമാനുസരണം വിച്ഛേദിപ്പിച്ച് പണം അടയ്ക്കുകയും ആറുമാസം കഴിഞ്ഞപ്പോള് വീണ്ടും വാട്ടര് അതോറിറ്റിയുടെ ഭീഷണിയും നേരിടേണ്ടി വരുന്നത്.
