അയ്യപ്പഭക്തി ഗാനം മനോഹരമായി പാടുന്ന വ്യക്തിയുടെ വീഡിയോ പങ്കുവച്ച് എം.ജി ശ്രീകുമാർ. ‘സാമവേദം നാവിലുണർത്തിയ സ്വാമിയേ’ എന്ന ഗാനം പാടുന്ന ദൃശ്യങ്ങളാണ് ഇദ്ദേഹം പങ്ക് വച്ചത് . ‘എല്ലാരുടെ ചുണ്ടിലും സാമവേദം’ എന്ന അടിക്കുറിപ്പോടെയാണ് എം.ജി ശ്രീകുമാർ വീഡിയോ പങ്കുവച്ചത്.
ആലാപനത്തിന് അഭിനന്ദന പ്രവാഹമാണ് ലഭിക്കുന്നത്. ഗായകന്റെ കഴുത്തിലെ കൊന്ത മാല ആസ്വാദകർ ചൂണ്ടിക്കാണിക്കുന്നുണ്ട്.‘സാമവേദം’ ഗാനം ഭാവസാന്ദ്രമായ രീതിയിലാണ് പാടുന്നതെന്നാണ് ആസ്വാദകർ കമന്റ് ചെയ്യുന്നത് . അനായാസം ഹൈ പിച്ച് പാടാനുള്ള കഴിവും ശബ്ദത്തിലെ നിയന്ത്രണവുമൊക്കെ ആളുകൾ എടുത്തുപറയുന്നുണ്ട്. ഈ ഗായകനെ പുറംലോകത്തിന് അറിയിച്ചുകൊടുത്ത എം.ജി ശ്രീകുമാറിനെയും ആസ്വാദകർ അഭിനന്ദിക്കുന്നു.
എംജി ശ്രീകുമാർ ആലപിച്ച ‘സ്വാമി അയ്യപ്പൻ’ എന്ന ആൽബത്തിലെ ഗാനമാണ് ‘സാമവേദം നാവിലുണർത്തിയ സ്വാമിയേ’. രാജീവ് ആലുങ്കൽ രചിച്ച ഈ ഗാനം പലരും 16 ദശലക്ഷത്തിലധികം പേരാണ് യുട്യൂബിൽ ഈ ഗാനം ആസ്വദിച്ചിട്ടുള്ളത്.
