കൊച്ചി : ഇസ്ലാം ഭീകരാക്രമണങ്ങൾക്കെതിരെ ബംഗ്ലാദേശിലെ ഹിന്ദുക്കൾ ഒരുമിച്ച് പോരാടണമെന്ന് ഡോക്ടർ . സെൻ കുമാർ . ഇതിനായി ഇന്ത്യയും, ഇന്ത്യയിലെ ജനങ്ങളും അവർക്ക് സഹായം നൽകണമെന്നും അദ്ദേഹം പറഞ്ഞു. ഗാന്ധിജിയുടെ മാതൃകയല്ല , സുഭാഷ് ചന്ദ്രബോസിന്റെ മാതൃകയിലുള്ള തിരിച്ചടിയാണ് ബംഗ്ലാദേശിൽ വേണ്ടതെന്നും അദ്ദേഹം പറഞ്ഞു.
‘ ബംഗ്ലാദേശിൽ ഇന്ത്യ സൈനിക നടപടി നടത്തണമെന്ന് പറയുന്നവരുണ്ട് . എന്നാൽ അത് പ്രായോഗികമല്ല . എന്നാൽ സമ്മർദ്ദം ചെലുത്തിയാൽ ഒപ്പം നിൽക്കുന്ന ഒരു സർക്കാരുമല്ല അവിടെയുള്ളത് . അവിടെയുള്ള ഹിന്ദുക്കൾ ഒന്ന് ചേരണം , കൊല്ലാൻ വരുന്നവരെ ചങ്കുറപ്പോടെ നേരിടണം .വാളുമായി വരുന്നവരെ നൂറു പേർ വന്നാൽ പത്ത് പേരെങ്കിലും തിരിച്ചടിക്കണം.
കൊൽക്കത്തയിലും മറ്റും ഇത് 1947 കാലത്ത് നടന്നിട്ടുണ്ട് . അന്ന് തിരിച്ചടി കൊടുത്തപ്പോഴൊക്കെ അവർ തിരിഞ്ഞോടിയിരുന്നു. ഇതിനെതിരെയാണ് ഗാന്ധിജി നിരാഹാര സത്യാഗ്രഹം നടത്തിയത് . ഹിന്ദുക്കളെ കൊണ്ട് ആയുധങ്ങൾ താഴെ വയ്പ്പിക്കുകയും ചെയ്തു . അതിന്റെ ദുഷ്ടഫലങ്ങൾ പിന്നീട് അവർ അനുഭവിച്ചു . അതുകൊണ്ട് ബംഗ്ലാദേശിലെ ഹിന്ദുക്കൾ സംഘടിക്കണം . അവർ പൊരുതി നിൽക്കണം . അവരുടെ ആത്മവീര്യം നമ്മൾ ഉയർത്തി , അവരെ ശക്തിപ്പെടുത്തി അവർക്ക് സഹായം നൽകണം.
ബംഗ്ലാദേശിലെ കലാപത്തിന്റെ പ്രധാനലക്ഷ്യം ഇന്ത്യയാണ് . ഇന്ത്യയ്ക്കെതിരെ അന്താരാഷ്ട്ര തലത്തിൽ നടപടി എടുപ്പിക്കുകയാണ് അവരുടെ ലക്ഷ്യം . ഇസ്രായേലിനെതിരെ ശബ്ദമുയർത്തുന്നവർ എന്തുകൊണ്ട് ബംഗ്ലാദേശിലെ ഹിന്ദുക്കൾക്ക് നേരെയുള്ള അക്രമങ്ങൾ കാണുന്നില്ല ‘ എന്നും അദ്ദേഹം ചോദിച്ചു.
