കൊച്ചി : ഇന്ത്യ സമാധാനമായി നിൽക്കുന്നതിൽ നൂറ് ശതമാനം പങ്കാണ് ഹിന്ദുക്കൾക്കുള്ളതെന്ന് ആരിഫ് ഹുസൈൻ തെരുവത്ത് . ഇന്ത്യാ വിരുദ്ധനായ ബംഗ്ലാദേശി മതമൗലികവാദി ഉസ്മാൻ ഹാദിയുടെ മരണശേഷം ധാക്കയിലടക്കം വൻ കലാപമാണ് അരങ്ങേറുന്നത് . ഇതിനെ പിന്തുണച്ച് കേരളത്തിലെ മതമൗലികവാദികൾ ഓരോ കലാപവാർത്തയിലും അള്ളാഹു അക്ബർ കമന്റുകളും ചെയ്യുന്നുണ്ട്. ഇതിന്റെ സ്ക്രീൻ ഷോട്ടുകൾ പങ്ക് വച്ചാണ് ആരിഫിന്റെ ഫേസ്ബുക്ക് പോസ്റ്റ്.
ഇന്ത്യ സമാധാനമായി നിൽക്കുന്നതിൽ മുസ്ലീമിന് പങ്ക് 0% ആണെന്നും, ഇന്ത്യ സമാധാനമായി നിലനിൽക്കുന്നതിൽ ഹിന്ദുവിന്റെ പങ്ക് 100% ആണെന്നും ആരിഫ് പറയുന്നു. ഇന്ത്യയുടെ മതേതരത്വം തകർക്കുന്നതിൽ ഹിന്ദുവിന്റെ പങ്ക് 0% ആണെന്നും, ഇന്ത്യയുടെ മതേതരത്വം തകർക്കുന്നതിൽ മുസ്ലിമിന്റെ പങ്ക് 100% ആണെന്നും ആരിഫ് സൂചിപ്പിക്കുന്നു.
മുസ്ലിങ്ങൾ രാജ്യത്തിന് മുകളിൽ മതത്തെ പ്രോത്സാഹിപ്പിക്കുമ്പോൾ ഹിന്ദുക്കൾ രാജ്യത്തിന് മുകളിൽ മതത്തെ പ്രോത്സാഹിപ്പിക്കുന്നില്ലെന്നും ആരിഫ് പറയുന്നു. മറ്റൊരു പോസ്റ്റിൽ ‘ ക്രിസ്ത്യൻ രാഷ്ട്രങ്ങളിൽ തന്നെ പേപ്പട്ടികളെ പേടിച്ച് ക്രിസ്മസ് ആഘോഷം പൂട്ടിക്കെട്ടുമ്പോൾ ഹിന്ദു രാഷ്ട്രത്തിൽ പേപ്പട്ടികളെ പേടിക്കാതെ ക്രിസ്മസ് പൊടിപൊടിക്കുന്നു. ഹിന്ദു രാഷ്ട്രം ഡാ..!‘ എന്നാണ് ആരിഫ് പറയുന്നത് .
