ന്യൂദല്ഹി: തൊഴിലുറപ്പ് പദ്ധതിയുടെ പേര് മഹാത്മാഗാന്ധിയുടേതിന് പകരം വികസിത് ഭാരത് ജി റാം ജി ബില് എന്നാക്കിമാറ്റാനുള്ള കാരണം നിരത്തി കേന്ദ്രമന്ത്രി ശിവരാജ് സിങ്ങ് ചൗഹാന്. നെഹ്രു, ഗാന്ധി കുടുംബങ്ങളുടെ പേരില് രാജ്യത്ത് നിറയെ സ്ഥാപനങ്ങളും പദ്ധതികളുമുണ്ടെന്ന് കണക്കുകള് നിരത്തി ശിവരാജ് സിങ്ങ് ചൗഹാന് പറഞ്ഞു.
“ഗാന്ധി കുടുംബത്തിന്റെ പേരില് 52 സര്ക്കാര് പദ്ധതികള് നിലവിലുണ്ട്. രാജീവ് ഗാന്ധിയുടെ പേരില് 25 സര്ക്കാര് പദ്ധതികള് നിലവിലുണ്ട്. അതുപോലെ ഇന്ദിരാഗാന്ധിയുടെ പേരില് 27 സര്ക്കാര് പദ്ധതികള് ഇന്നുമുണ്ട്. ” – ശിവരാജ് സിങ്ങ് ചൗഹാന് ലോക് സഭയില് പറഞ്ഞു.
“രാജ്യത്തെ 55 വിദ്യാഭ്യാസസ്ഥാപനങ്ങള്ക്ക് രാജീവ് ഗാന്ധിയുടെ പേരാണുള്ളത്. 21 വിദ്യാഭ്യാസസ്ഥാപനങ്ങള് ഇന്ദിരാഗാന്ധിയുടെ പേരിലുള്ളപ്പോള് 22 എണ്ണം നെഹ്രുവിന്റെ പേരിലുണ്ട്. “-ശിവരാജ് സിങ്ങ് ചൗഹാന് വിശദീകരിച്ചു.
“23 സ്പോര്ട്സ് ട്രോഫികള് രാജീവ് ഗാന്ധിയുടെ പേരിലാണ് അറിയപ്പെടുന്നത്. നാലെണ്ണം ഇന്ദിരാഗാന്ധിയുടെ പേരിലുള്ളതാണെങ്കില് രണ്ടെണ്ണത്തിന് നെഹ്രുവിന്റെ പേരാണ്”.-ശിവരാജ് ചൗഹാന് പറഞ്ഞു.
“നെഹ്രു, ഗാന്ധി കുടുംബത്തിന്റെ പേരില് 74 വിദ്യാഭ്യാസസ്ഥാപനങ്ങള്, 51 പുരസ്കാരങ്ങള്, 39 മെഡിക്കല് സ്ഥാപനങ്ങള്, 15 ദേശീയ പാര്ക്കുകള്, 15 സ്കോളര്ഷിപ്പുകള്, അഞ്ച് എയര്പോര്ടുകളും തുറമുഖങ്ങളും ഉണ്ട്. “- ശിവരാജ് ചൗഹാന് പറഞ്ഞു.
