തിരുവനന്തപുരം: തദ്ദേശ സ്ഥാപനങ്ങളിലേക്കുള്ള പൊതുതിരഞ്ഞെടുപ്പില് ഏറ്റവുമധികം വോട്ടര്മാര് വോട്ട് ചെയ്തത് ഇത്തവണ. രണ്ടു ഘട്ടമായി വോട്ടെടുപ്പ് നടന്ന 2025 ലെ തദ്ദേശ തിരഞ്ഞെടുപ്പില് ആകെ വോട്ട് ചെയ്തത് 21079609 വോട്ടര്മാര്. 2020 ലെ തിരഞ്ഞെടുപ്പില് 21005743 വോട്ടര്മാരാണ് വോട്ട് ചെയ്തിരുന്നത്. 73866 വോട്ടുകളാണ് മുന് തിരഞ്ഞെടുപ്പില് നിന്നും അധികമായി പോളിംഗ് ബൂത്തുകളില് ഇത്തവണ പോള് ചെയ്തത്. ഇത് കൂടാതെ പോസ്റ്റല് ബാലറ്റുകള് വഴി ചെയ്ത വോട്ടുകള് കൂടി കണക്കാക്കേണ്ടതുണ്ട്.
വോട്ടര്മാരുടെ എണ്ണത്തിലും 2025-ല് വര്ധനയുണ്ടായി. 28607658 സമ്മതിദായകരാണ് വോട്ടര്പ്പട്ടിക പ്രകാരമുള്ളത്. 2020 ല് ഇത് 27656910 ആയിരുന്നു.
1993 – ല് കേരള സംസ്ഥാന തിരഞ്ഞെടുപ്പ് കമ്മീഷന് നിലവില് വന്നതിനുശേഷം 1995 ല് നടന്ന ആദ്യ തദ്ദേശ സ്വയംഭരണ പൊതുതിരഞ്ഞെടുപ്പില് 15074169 വോട്ടര്മാരാണ് വോട്ട് രേഖപ്പെടുത്തിയത്. 20508855 ആയിരുന്നു അന്നത്തെ വോട്ടര്മാരുടെ ആകെ എണ്ണം.
2025 തദ്ദേശ പൊതുതിരഞ്ഞെടുപ്പില് ആകെ 73.69 ശതമാനം പോളിംഗ് നടന്നു. തിരുവനന്തപുരം – 67.47%, കൊല്ലം – 70.35%, പത്തനംതിട്ട – 66.78%, ആലപ്പുഴ – 73.82%, കോട്ടയം – 70.86%, ഇടുക്കി – 71.78%, എറണാകുളം – 74.57%, തൃശൂര് – 72.48%, പാലക്കാട് – 76.27%, മലപ്പുറം – 77.37%, കോഴിക്കോട് – 77.27%, വയനാട് – 78.29%, കണ്ണൂര് – 76.77%, കാസര്ഗോഡ് – 74.89%. എന്നിങ്ങനെയാണ് ജില്ലകളിലെ പോളിങ് ശതമാനം.
കോര്പ്പറേഷനുകളില് തിരുവനന്തപുരത്ത് 58.29%, കൊല്ലത്ത് 63.35%, കൊച്ചിയില് 62.44%, തൃശൂര് 62.45%, കോഴിക്കോട് 69.55% കണ്ണൂര് 70.33 % എന്നിങ്ങനെയാണ് പോളിങ് ശതമാനം.
